Tamurt n leqbayel seg zik tettwasen s imusnawen n tasreṭ d nutni i yeseḥbibren ɣef tasreṭ tineslemt ihi ad naf aṭas n temɛemrin d yisegrawen anda selmaden tusniwin-nsen. Tezga-d tmesgida n At Brahim deg taddart n At Brahim i yibeɛdan azal n 3,5 ikilumitren deg tɣiwant n Mceddala,taneggarut-a tebɛad s wazal n 50 ikilumitren ɣef lwilaya n tubiret(bouira)tamesgida-a tella-d deg yiwen wadeg asuddas ,tesɛa azal n 274 n lmitrat deg tjumma. Tamesgida n At Brahim d tamesgida taqburt, tekcem deg umezruy ,bnan-tt deg tallit n iɛetmaniyen deg useggas n 1652,mazal ara assa teṭṭef tasegda(architecture) n yiɛetmaniyen, u yettwaḥsab seg tmesgidin tiqburin deg tamnadṭ n leqbayel, ɛlaḥsab turdiwin n yimezdaɣ qqaren-d dakken “tamesgida n At Brahim tettwabna s isekla muqqren (sɛan azal n 15 lmitrat deg teɣzi), s iɣalen akked d imerkkuben n imezdaɤ i tt-s bbeden”. Asegraw n At Brahim ur yemniɛ ara seg temharsa tafransist,imi acengu afransis yexdem yiwet n zedma ɣef tmesgida- agi anect-a i d-yeglan s uɣelluy-ines, tanegarut-a ur ttesaxedmen ara kan i tẓalit maca ad tt-i d-naf d agraw n tjemmaɛt tefferu uguren n tmetti aṭas n yimusnawen akked d lecyux id yeɛeddan seg tmesgida-ya seg-sen :Cix Muḥend Ṭahar Bahalil 1725,Cix Bubker Si Yahya d mmi-s n taddart 1745-1780,Cix Mezyan Lɛebasi 1855-1874,Cix Si Aḥmed 1915-1937,Cix i yetfen tamesgida assa d win id yussan seg temnadṭ n adrar wa d Baɛziz Muḥemed.
Ziar.Ahcene