Accueil Tamazight Agdal n usarag n Mouloud Lounaouci

Tasdawit Mulud Mɛemmri

Agdal n usarag n Mouloud Lounaouci

69

Ddurt iɛeddan, di tesdawit Mulud Mɛemmri, yettwawet yiwen n unelmad s lmus sɣur ilemẓi ur nelli ara d anelmad di tesdawit. Liḥala-agi n war laman di tesdawit taggara-agi, tzad. Ad nesmakti kan d akken ḥebsen yinelmaden n ugezdu n trumit ɣef leqraya azal n sin waggugen akken ad sbeggnen lɣiḍ-nsen si teswiɛt-agi, maca ulac d acu i ibeddlen. Mbeɛd mi teɛedda twaɣit-agi , teḍra-d tayeḍ i tt-yecban. Tagi d asarag-nni n Mouloud Lounaouci i yettwagedlen di tesdawit. Asarag i d-ihegga Useqqamu n yinelmaden n tesdawit Mulud Mɛemmri deg tzeqqa n yisaragen di Hesnawa.

Syin kecmen-d kra n yilmeẓyen, sekkren-d cwalat deg tzeqqa gar yinelmaden i yellan dinna, akken daɣen i ttwawten kra n yimeɣnasen n RCD. Dɣa, syin yettwaḥbes ussarag. Maca asteqsi : Ayen ḍarrunt cwalat, taggara-agi, deg tesdawit n Mulud Mɛemmri ?

Y. S.