Ass-nni n ttlata, 20 ɣuct 2019, i tessuli tezrigt tis 13 n Tfaska n wussan iɣelnawen n umezgun n ugrud, di Budwaw, agafa n lwilaya n Bumerdas, mbeɛd 4 n wussan n temsizzelt gar 8 n trebbuyaɛ n umezgun i d-yusan seg lwilayat-a : Tizi Uzzu, Ssuq Hras, Tyaret, Batna, Mestɣanem, Ǧelfa akked Skikda.
Tirebbuyaɛ-agi merra, mḥezwarent ɣef warraz-a n tnafart (masque) n wureɣ. Ɣer taggara, d tamezgunt n « Ɣriba » n tddukkla tadelsant Ituran n Tizi Uzzu i d-yufraren s warraz n tnafrart n wureɣ neɣ tasmeɣrut n usihar imetkamel deg tezrigt tis 13 n wussan iɣelnawen n umezgun n uqcic n Bumerdas. Ma d arraz wis sin neɣ tanafart n uẓref i useḍru igerrzen di tafeska-a, tewwi-t tmezgunt « Lewhem n lɣaba » n terbaɛt « Tafsut » i yidles d tẓuriwin n lwilaya n Batna.
Ma d tamezgunt «Ḥanin» n tddukkla tadelsant n Skikda, tewwi arraz wis kraḍ neɣ win n uḍris n umezgun igerrzen, ɣer tama n warraz n tsinugrafit (tira n usinaryu) igerrzen, i tewwi tmezgunt « Nnwasix » n tddukkla Asabar n Wureɣ n Mestɣanem. Am wakken diɣ, i d-yufrar usebgar Kadri Kada s warraz n temlilt (ddur) n urgaz yufraren di tmezgunt « Lewhem n lɣaba », ma d arraz n temlilt n tmeṭṭut yufraren, tewwi-t tsebgart Belkis Boukloua, yuraren di tmezgunt «Ḥanin».
Gh. A.