Accueil Tamazight Ilul u yettwnɣa Smaεil Yefsaḥ deg tuber

Asmekti

Ilul u yettwnɣa Smaεil Yefsaḥ deg tuber

318
- PUBLICITÉ -

Ilul Smaεil Yefsaḥ ass n, 29 deg tuber 1962, deg Tala Ɛmara, lwilaya n Tizi Uzzu.D yiwen gar yineɣmasen yettwanɣan deg tεacret taberkant. Yewwi-d agerdis n lisens deg tussna tasertant d wassaɣen igraɣlanen, maca d taɣamsa i yewwin ul n mmi-s n Tala Ɛmara. Ad yebdu axeddim deg tiliẓri taɣelnawt n tmurt n Lezzayer ENTV i iteddun kan s tutlayt taεrabt, ma d tamaziɣt ur tesεi ara amkan deg tuddsa-agi anda yeqwa leḥris. Deg 1988,  ad yexdem arupurtaj anda i yesteqsa kra lεibad s teqbaylit. Wigi, ḥekkun-d s teqbaylit, syin yessuqel-d tikwal ayen i d-qqaren, ma d tikwal xati.

- PUBLICITÉ -

Ayen yeǧǧan imḍebber-is ad as-yini d akken arupurtaj-agi ɣezzif. Din din yefhem Yefsaḥ belli d aḥric-nni n teqbaylit i yebɣa yimḍebber-gi ad yettwakkes. Yekker mmi-s n Tala Ɛmara yekkes yiwen uḥric deg-s, maca d ahric-nni ur yessuqel ara dɣa i tikkelt tamezwarut ad d-iɛddi deg tiliẓri n Lezzayer urupurtaj s teqbaylit kan. Ayen yexdem Smaεil, ur yettεeddi ara kan akka, imi yiwen yimṭeṛṛef, yettgall, sdat lkamira, belli Smaεil d izeggaɣen am netta, akken i asen-isemma, ad ttwanɣan yakk. Smaεil yeqqar-as kan mačči d ccyel-ik. Smaεil Yefsaḥ, yufrar-d s ssifa-s d leḥraca-s, imi yezmer ad yaweḍ tiliẓṛiwin n waṭas n tmura tibeṛṛaniyin, maca imeεfan-nni yessexsayen itran, qusmen-as  deg tsebḥit n, 18 deg tuber 1993, asmi i d-yeffeɣ seg uxxam-is deg Bab-Zewwar deg uzniq yeddmen isem-i akka tura.

I usmekti, yettwanɣa Yefsaḥ 11 n wussan kan uqbel amuli-ines wis 31, yerna εeddan ɣef tmeɣra-ines kan 39 n wussan.

Yettseggix wul-iw neɣ tiɣri n taǧǧalt d tajmilt n Lwennas Maεtub i Smaεil Yefsaḥ

”A yettseggix wul-iw,

A ijeffel ɣef win i t-yeğğan.

D wagi i d ẓẓher-iw,

Ad ğğleɣ ur d-yewwiḍ lawan.

A gma ur ak-ttayseɣ,

Xas zewğeɣ,

Ad ak-id-ttaddren wuḍan.

Muḥal, ad ḥemmleɣ,

Akken i ak-ḥemmleɣ,

Di sin i aɣ-cerḍen wussan’’.

    Tigrine Nisma

- PUBLICITÉ -