Yewwi-d ɣef yibabaten n warrac, ad rren awellih-nsen nezzeh i wayen i d-ttaɣen dderya-nsen deg berra, acku aqcic amectuḥ ur yeẓri ara d acu i d učči i as-ilaqen. Rnu i waya, llan wid ur nessin ad d-ɣṛen azemz n tmettant n wučči-nni. Dɣa, d ayen i yeḍṛan di twilayt n Tbeskert (Bisekra), anda i yuzzlen aṭaṣ n yimezdaɣ i uccekti ɣef yiwet n tkebbanit n Ṣṭif, i ixeddmen iẓmi n warrac imectaḥ, asafar-a isem-is » Yupi « . Ayen yessewhamen deg temsalt-a, imi ufan wid i d-yuɣen asafar-a, azemz wis sin s ufella, yeffer win idetti s wadda. Dɣa iẓmi-a, yettwaxdem di 3/2017, ad yemmet di 9/2018. Lameεna uran s ufella-s belli yettwaxdem di 06/2018, wa ad yemmet di 12/2019. Ihi wid i t-id-yuɣen swan iẓmi yexṣeṛ. Seg tama-s tanmehla n ttjaṛa, teldi anadi ɣef usentel-a amihan. Daymi, i ilaq yal yiwen deg-neɣ ad yettḥadar iman-is. Imi tekfa telsawit deg wulawen, yesderɣel udrim imdanen.
K. K.