Macahu tellemcahu ad tt-yeḍbeε Ṛebbi d asaru.Yettwessi umγar mmi-s: ‘’A mmi, γur-k ad d-tegneḍ siwa ma γef leḥrir, taduli-k d tarakna, γur-k ad d-teččeḍ siwa ma s uksum d wudi d tament, γur-k ad d-tsewqeḍ siwa ma sdat n tewwurt, atnan isurdiyen inu, ma d nekk a mmi tefna tudert-iw’’. Mi i yiweḍ umγar-nni leεfu n Ṛebbi, aqcic teffeγ fell-as lewṣaya-nni n baba-s, lmakla-s taguni-s d ssuq-is ala ttnefxa. Yuγal adrim-nni, tekfa, yeqqim akken d aẓawali win γer yerra yenna-as: ‘’Ulac’’. Armi i d-yemmekta yiwen n uḥbib n baba-s, iruḥ γur-s iεawed-as-d tamacahut, yeḍsa umγar-nni, yenna-as: ‘’Ur ttagad a mmi, baba-k yerra leḥsab-is, γas yemmut yeğğa-d awal d lmaεna γur-i. A ak-yeqqar baba-k, tura ha-tt tjerbeḍ? : A-ten-an idrimen-agi-inu γur-k, maca sya d tasawent, ur gan alamma yenγa-k naddam i wakken anda tufiḍ ad d-teγliḍ; ur tett alamma yenγa-k laẓ i wakken ad d-teččeḍ mebla ttnefxa, ma d ssuq, ffeγ γer beṛṛa ad d-teẓreḍ anda i wwḍen lecγwal.
Yahia Yanes