Accueil Tamazight Llant temliliyin n ddabex uḍar gar udrin n tɣiwant

Larebɛa n At Yiraten

Llant temliliyin n ddabex uḍar gar udrin n tɣiwant

52
- PUBLICITÉ -

Heggan-d, ddurt iɛeddan, yilmeẓyen n taddart n tewrirt Meqqran s lemɛawna n yimezdaɣ n tuddart n tɣiwant n Larebɛa n At Yiraten yiwet n temsizzelt n dabbex uḍar anda i ttekkant 8 n trebbuyaɛ. Mbaɛd imi i d-llant temliliyin timezwura n umeḥezwer anda i ɣlint 6 n trebbuyaɛ gar 8 i yellan, ggrant-d 2 i yuraren timlilit n taggara n teqbuct.

- PUBLICITÉ -

Timlilit i d-yeḍran gar tarbaɛt n Tewrirt Meqqran akked tarbaɛt n Weɛfir deg unnar n tɣiwant n Larebɛa n At Yiraten. Ɣer taggara n temlilit, tewwi taqbuct tarbaɛt n Weɛfir; Leqdic-agi, yuɣal d tajmilt i yimyurar iqdimen i yemmuten. Syin, ttuferqen warrazen akked yigerdasen i snat n trebbuyaɛ-agi, akken daɣen i as-yettunefk wayeḍ i tarbaɛt n Talult i yesɛan rruḥ n waddal imi turar deg yiwet n tegmat igerrzen. Syin akin yettwaxtar umyurar Chebbaḥ Faysel n terbaɛt n Weɛfir d amyurar ifazzen deg temsizzelt-agi.

Yeɛǧeb-asen i yimezdaɣ n tuddar leqdic-agi imi iɛedda deg tegnatin yelhan, ur d-llin ara cwalat. Urraren yilmeẓyen deg talwit.

Souhila Yamani

- PUBLICITÉ -