Accueil Tamazight Tella-d tezrigt n useggas-a deg yiẓeḍwa inmettiyen

Siwel-d taẓuri

Tella-d tezrigt n useggas-a deg yiẓeḍwa inmettiyen

242

Mi ara mmlilen yinaẓuren, yal yiwen ad d-yawi leqdic-is, yal yiwen ad yesiweḍ izen-is, yal yiwen ad yecnu tizlit-is s yiwet n taɣuct yeččuren d tayri, d asirem. Ass-nni,  taddart ad tezher sbeḥ meddi. Xas yal yiwen s tutlayt-is, xas yal yiwen s tsertit-is, maca tesemlal-iten  tẓuri. D wagi i d Raconte-Arts i d-ilulen deg yidurar n Ǧerǧer. D yiwet n tfaska tilellit. Tlul-d deg useggas n 2004 anda yal aseggas, ttextirin yiɛeggalen n Tfaska-agi taddart akked usentel. Sawalen i kra n unaẓur i yebɣan ad itekki di tmeɣra-agi , ama d inaẓuren i yellan di tmur neɣ wid n tmura tiberrniyn. Maca, aseggs-a, ur d-telli ara tezrigt n Raconte-Arts ɣef ssebba n unfafad Covd-19.  Ɣef waya dɣa, i yerran azrigt-a deg yiẓeḍwa inmettiyen.

 Amek i d-tella deg uẓeṭṭa n Internet?

Leqdic i wumi semman « La fenêtre du web « , yebda seg wass n  04 u  yedda armi d 10 deg wayyur n ɣuct-agi eg-i nella, anda iɛeggalen n Tfaska suzuren-d yal ass tividyutin, tiwlafin, imagraden, ɣef tezrigin  iɛeddan yakan. Am wakken daɣen i d-sawlen i kra n yiwen i yellan yakan di tezrigin iɛeddan i wakken  ad d-yazen ayen i yesɛa ama d tividyutin neɣ tiwlafin. D tagnit anda arad-mmektin ydanen tizrigin iɛeddan, akken daɣen ad heggin iman-nsen i tezrigt n useggas i d-iteddun.  Aṭas n yimarrayen i yesḥassfen imi aseggas-agi ulac Raconte-Arts.

Tizrigin  iɛedan akked ysenta-set

2004 : Tazrigt tamezwarut : At yanni  : »La fenêtre du vent »

2006 : At yanni : » Les 7 djemâas revisitées »

2007 : Iwaḍiyen , At yanni :  « L’appel de la montagne »

2008 : Iɣil n Bwammas : « La parole comme des perles sur la montagne »

2009 : At wizgan :  : »La Kabylie, aux portes de l’Afrique »

2010: At Smaɛel (Bgayet) :  Générique « Terre, eau, feu, beauté de femmes »

2011: Tawrirt Meqqran : « Ecouter la voix des ancêtres, éclairer la voie de l’avenir »

2012: Ǧemɛa n Sariǧ : « Sur le chemin des sources se racontent les arts »

2013 : At Yanni : « Cheminement créatif »

2014 : Agusim :  » Debout compagnons de chœur, entamons la marche »

2015: Igersafen :  » L’esprit de tajmait réinventé »

2016 : Swameɛ : « Il était une fois le royaume de Koukou »

2017 : At waɛban : « Pour que nul n’oublie le chemin »

2018 : Tiferḍud :  » Les vents hurlants »

2019 : Saḥel (At Wizgan) : « Nedjma l’inextinguible »

Souhila Yamani