aMacahu tellemcahu, ad tt-yeḍbeε Ṛebbi d asaru. Yella uqcic d awḥid n yemma-s. Ihi tezga tesseḥbibir fell-as γef yiεdawen-is i as-itteḥtilin, acku yemma-s tezmer-asen. Tikkelt wissen armi i as-kellxen, nnan-as: « Ilaq ad tenγeḍ yemma-k-agi yezgan deffir-k am tili, tura aql-ak d argaz ». Iruḥ γer yemma-s, yenna-as: « A yemma bezzaf yal ass deffir-i, tura ad i yi-teṭṭixreḍ neγ ad kem-nγeγ ». Ammi ur ak-bγiγ ara taxeṣṣart, iεdawen-ik, bγan ad ken-nγen.
Ala, ula i akem-id-yewwin di lecγal-iw.
Ihi a mmi, ma yella ikellex-ak lebγi-k, tenγiḍ-iyi, yiwwas ad ak-weṣṣiγ.
D acu?
Ma tenγiḍ-iyi, kkes-d tasa-w, rri-tt deg uqelmun-ik.
Ishel wannect-a.
Iεdawen-is, zgan ttwehhin deg uqcic armi i as-kellxen. Iruḥ yenγa yemma-s, maca ur yettu ara lewṣaya, yeddem tasa-s, yerra-tt s aqelmun-is. Yeffeγ-d seg uxxam qbala γer wid iγil d leḥbab-is, yenna-asen: « D ayen nγiγ-tt ». Iεdawen-is: « S tidett ? ». Aqcic: « S tidett ». Ferhen yiεdawen-is imi yekkes wugur. Nanna-as: « I tura ay amehbul anwa i tesεiḍ? ». Aqcic, yebda imeṭṭi mi i iwala ijenwiyen γer yiri-s, yettru, yeqqar a yemma. Tenṭeq-d tasa n yemma-s seg uqelmun: « Urweγ-t ur d i yi-yuriw, ay aεdawen ur t-neqqet ». Dγa rewlen yimcumen-nni, γillen mazal tameṭṭut-nni tedder.
Yahia Yanes