Accueil Tamazight Ussan n useɛlem ɣef umihi n lgaz

TAMANAƔT - Takebbanit n Sonelgaz deg yiɣerbazen : Ussan n useɛlem ɣef umihi n lgaz

47
- PUBLICITÉ -

Lgaz d yiwen n usafar yettselliken amdan seg tsuqas n tasmuḍi n wussan d wuḍan n ccetwa. Yettuneḥsab d allal i ssexdament twaculin deg yixxamen i umager n usemmiḍ d ugris i swayes i d-tgellu tegrest yal mi ara d-zzin wussan-is.

- PUBLICITÉ -

Ttafen-t yimdanen d amwanes, ladɣa deg wuḍan n ccetwa isemmaḍen, yesseḥmaw axxam ɣef tikkelt. Deg yiseggasen-a ineggura, aṭas n tamiwin n tmurt i mazal ur yekcim usafar-a, ssawaḍen kra n yimezdaɣ armi gezzmen iberdan, zun d tawsit n usuter i tuqqna n tnezduɣin-nsen s lgaz, i ubaɣur akk yesɛa. Maca, seg tama-nniḍen, ɣur-s lmaḍerrat, ur nenekker ara belli d allal amihan, i izemren ad yessiweḍ amdan alamma d tamettant, ma ur yeḍfir ara tarrayin n usemres-ines, neɣ ur iḥuder ara. Yal aseggas, mi ara tebdu tegrest, deg wussan-is imenza, ttɣawalen yimdanen ɣer ucɛal n lgaz deg yixxamen, ula d aneggaru-a seg tama-s, yettɣawal ɣer uḥwaṣ n terwiḥin i yestehzayen deg useqdec-is tikwal. Yessegray-d s twuɣa. Ɣef waya, tettheggi-d Tenmehla n Sonelgaz n Lezzayer tamanaɣt (tama n Gué de Constantine), tuffɣiwin n yiqeddacen-is ɣer yiɣerbazen, akken ad ssegzi u ad fken iwellihen ɣef wamek ilaq ad ḥadren iman-nsen yinelmaden seg tamiwin-nsen, ad ssiwḍen isallen-a i twaculin-nsen.

Nesteqsa tamasayt n teywalt deg tkebbanit-a n Sonelgaz, s ttawil n tilifun, tenna-aɣ-d “Nettheggi-d ussan-agi n useɛlem kraḍ n yiseggasen-aya, yal tallit n tegrest, imi deg-s i ṭṭuqutent twuɣa-a icudden ɣer lgaz, akken inelmaden ad ḥussen s umihi i d-yettekken seg-s, ad ssiwḍen isallen srid i yimawlan-nsen, akken ineggura-a, ad heggin tarrayin iwulmen, ara d-nadin ama deg internet, ama deg usira n uḥader ɣef umihi n lgaz deg tkebbanit-nneɣ”. Ma d Mass Tidadini Ali, d ajenyur deg tkebbanit, d yiwen gar yiɛeggalen i irezzun ɣer yiɣerbazen i useɛlem n twacult tasnedwalt, ikemmel yenna-d, ɣef wansa i d-ittek umihi, d wacu n yiwellihen i ttmuddun deg tuffɣiwin-nsen “Ur d-yettili ara ufras n yiteyyuten n lgaz. Rnu, sseqdacen iteyyuten ur nelhi ara, ssishilen tuffɣa n usafar n lgaz seg-s, dɣa imir i d-tḍerru twaɣit. Ilaq ɣef yimdanen ad ttaǧǧan xerṣum cwiṭ n tullya ama n ṭṭaq, ama n wayen-nniḍen, i unekcum n ubeḥri, u ad d-yettili ufras n yiteyyuten-nsen uqbel ad tebdu tsemhuyt n tegrest deg yal aseggas (ayyur n cutember neɣ tuber)”.

- PUBLICITÉ -