Aḥric wis 2 taggara
Si tugdi-nni, teṭṭef taqabact, tewwet-it, yuγal ala idammen. Yenna-as: « Tura ax, ad am-in-εebbiγ tirint-im. Iεebba-as-d tirint, truḥ-d s tergigit. Mi i d-tewweḍ s axxam, terra-tt ala i nnehtat d imeṭṭi, anwa ara as-yeḥkun taqsiḍt ! Anwa ara as-irun!
Teqqar-as: « Annaγ a yessi, annaγ a tarwa, ur tefhimeγ ara lxelq i yi-d-iḍelben ad t-wwteγ s tgelzimt. Waγzen, yerra leḥsab i temsirt.
Ruḥ a zzman arwaḥ a zzman, tamγart teḥwağ isγaren. Truḥ γer lexla am tannumi, taf-n dinna waγzen tenna-as: « D agi i telliḍ ? Ur ak-yuγ wara? Annaγ a mmi teḥliḍ? Ur fhimeγ ara…! Inna-as waγzen : « A tamγart, tecfiḍ γef umḍiq γer d i yi-tewteḍ s tqabact?
-Cfiγ a mmi.
-Muqqel ziγ ma ḥliγ?
Tamγart tmuqqel, tenna-yas: « Teḥliḍ a mmi lḥemdu lleh, ula d ccama ulac.
Waγzen: « Twalaḍ ula d ccama ulac, ulamma lğerḥ-nni meqqer. Besseḥ, tjarḥeḍ-iyi tikkelt mazal afeddix d ameqran, u mazal ur iḥli-ara.
-A mmi, melmi i ak-jerḥeγ?
-Asmi akken i am-xedmeγ lxiṛ tikkelt tamenzut, tagarra la theddreḍ fell-i lmuḥal, ihi:
» yir lğerḥ iqqaz iḥellu, yir awal iqqaz irennu ». Yefka-yas tiγrit inγa-tt. Win ittellin imi-s aṭṭas ad as-kecmen yizan, amarezg n win yeṭṭfen imi-s neγ ad ihder kan ayen iwulmen.
Yahia Yanes