Awi-d kan tadrimt, ur t-id-yecqi la di ttawil la deg wamek. Tamsalt n usuter n yidrimen deg yiberdan tuγal, tineggura-a, d amahil i kra n yimdanen ; ama d tilawin neγ d irgazen. Yal tiγmert ad ten-tafeḍ din. Wa yefser-d lekwaγeḍ n ṭṭbib zaεma xuṣṣen-t yidrimen i wakken ad d-yaγ ddwawi, tayeḍ teṭṭef deg yirebbi-s agrud neγ sin i d-‘’tekra’’ i wakken ad tessuter yis-sen. Yeεreq anwa yeḍsan, anwa yettrun ! Tameddit, εlaḥsab n wid iwumi ttawin sserf-nni, nnan-d jamaεen-d imeyyaten n dinaren di lγella-nsen. Meεna ayen yeṭṭfen nezzeh ddehn-nneγ d imettaren-agi imaynuten : wigi yettawin yettarran di temdint n Tizi Wezzu s yileγman. Yal asurif ad bedden γer lγaci u ad ssutren deg-sen ad ten-εiwnen. Neẓra xeddmen medden tugniwin d yileγman-agi di lebḥar s yidrimen, neẓra, di&gamma,; tzemreḍ ad ten-trekkbeḍ s lexlaṣ, meεna di leεmer neẓra belli mi ara twaliḍ alγem ad txelṣeḍ, neγ wid akk yesεan ileγman d imeγban ! Ihi, akka ay teḍra di Tizi, awi-d kan tadrimt mebla ma teẓriḍ i wacuγer !!! ‘’Lukan meqqar d aγyul, yuklal, d netta i yebnan tuddart n leqbayel. Alγem diri-t umezruy-is…’’ Akka i aγ-d-yenna yiwen umsebrid mi d-neṭṭef tugna-agi n ulγem.
Hocine. M