Am ujenwi yeḥfan imi ara ijeggeḥ ṣṣura-s. Am tiqit yerɣan yezzelfen inẓaden n usirem, ineggura. Tiqit taneggarut yesswen isegmi n layas, telli tawwurt n lebɣi, lebɣi n temlilit taneggarut, uqbel tamezwarut.. Lebɣi n tgella tasemmamt ineggin d ssem, ssem n tannumi yattawin s ifri. Arjuuuuuuuuuut! Ɣurwat a tezgel ass-is, anfet-as ad tessiked iman-is ɣer lemri, telha taẓult, yelha ukeḥḥel, maɛna qerriḥet tmuɣli-s. Yelha uḥemmel, yelha usayes, maɛna yal wa d amur-is. Anfet ad tru imeṭṭawen ḥninen, tiwenziwin d ussan neɣ ahat d iseggasen, tiwenziwin d temẓi neɣ ahat d temɣer, tiwenziwin d amyafi neɣ d azgal i myezgalen. Anfet-as ad tecnu ccna n tuɣalin, tuɣalin ɣer wansi i d-teḥlelli, gar yiḍ d wass. Amkan-is gar at tnessufin yeskew layas, tamuɣli-s d ifeṭṭiwjen ireqqen deg-s am tmes..
Zira