Ljemɛa tameddit yessawel-aɣ-d Lbacir la soupape, clandestin n taddart, bac ad nessewjed iman-nneɣ i uzekka-nni.
– Amek ihi ay abibiḍ, sebt tafejrit ad neṭṭef abrid ɣer lezzayer ?
– Ala a dda Lbacir, yella wayen yezwaren ! Lezzayer ad as-nanef i lḥed. Azekka, ad aɣ-tawiḍ ɣer Kuku.
Akken dɣa i yella lḥal. Sebt tasebḥit, newweḍ Kuku. Akken kan nekcem taddart, tqubel-aɣ-d tteswira n Nour. Rien à dire : d amaziɣ aḥrur akken kan t-tessarem Tmaziɣt !
Ur nɛeṭṭel ara di tikli, newweḍ ɣer lakul anda d-tella tejmilt i Nour, tafat n Kuku, tafat n dima.
Amraḥ yeččur d lɣaci, llan ula d ibibiḍen i d aɣ-yecban. D’ailleurs, ɣer ɣur-sen i yerra ubibiḍ n tqerbuzt d Muṭṭiḍ. Cwiṭ akka, tɛedda-d Nna Samya, tameṭṭut n Nour. Nerra ɣur-s nemsalam yid-s. Sneɣ ciṭuḥ nna Samiya. Acḥal n tikkelt iyi-d-heḍren fell-as yemma d baba. Ɣef aya i tt-ḥemleɣ uqbel ad tt-isineɣ, Akken ḥemleɣ Nour, Lwennas, Mouloud At Mɛemmer, Smaɛil Oulebsir…
Nqerreb cwiṭ ar zdat, naf-n yemma-s n Nour teqqim ɣef tkeddant. Nuɣ aqerru-s neggugem. ur neẓri d acu ara as-nini. D nettat dɣa i d-yenan. Tenna-d acḥal tefreḥ yes-neɣ. Ur d-tenna ara acḥal tejreḥ tasa-s. Tbedd, akken tbedd na Samya. Ur d-nint ara “aḥ!”. Beddent akken yebded Nour deg udem n waṭṭan. D nukni i yemmaṭwen mi d aɣ-d-yenna, deg lawan i deg tettaraq ula d chada, : “tamaziɣt, tamaziɣt, tamaziɣt ay imeddukal !”
T.Ould amar
t.ouldamar@yahoo.fr