Yiwen n ṭbib n wul, Nacer Djellal, yettwaḥwes ddurt-agi yezrin, ass n 15 unbir 2011 deg Bni Σissi, abrid yettawin γer temnaḍt n At Dwala, 07 ikilumetren γef wenẓul n Tizi-Wezzu.
Argaz-agi yesεan azal n 50 n yiseggasen di leεmer-is, yella s daxel n tkarust-is akk d twacult-is, yuγ abrid γer lxedma-s akken yuγ tanumi. Maca tikkelt-agi, ɣef 07 d wezgen n sbeḥ, kra n yemdanen (melba cek d irebraben) qeṭṭan-as abrid. Tuɣ-I di tkerrust netta d twacult-is. Netta iwin-t, tameṭṭut_is d warraw-is serrḥen-asen. Imsebriden i iwalan taxazabit-agi ɛeqlen yiwen urebrab I wumi qqaren El Xecxac.
Isalli yuγ am lebraq, yal taddart, yal tamnaḍt slan. Imiren kan beggsen at taddart i wakken ad mcawaren ɣef wayen ara xedmen . Ulac win yeẓran ayen t-wwin.
Lḥasun, Nacer Djellal, mazal-t gar ifassen n yimcumen. Mazal ur d-sawlen ara i yimawlan-is akken ad d-ibban d acu bγan. D acu, ad ner lwelha, belli almi d tikkelt-a i yettwaḥwes ṭṭbib di temnaṭ n At Dwala. Daya dɣa i yeǧǧan tawacult-is d at taddart-is ad as-inin belli iwin Nacer i wakken ad idawi albaɛd seg yimejraḥ-nsen
Islam Bessaci/Aɣmis