Mass Akli Haj Meẓyan, amγar azemni i yesεan 104 n yiseggasen di laεmer-is, n taddart n Wizgan, yewweḍ laεfu n Rebbi ass n larebεa yezrin16 unbir 2011 γef 06 n tsebḥit. Dda lḥaj Meẓyan yesefrurex 3 n tsutiwin, ger warraw-is d yessi-s.
Dda Lḥaj Meẓyan, ilul aseggas n 1907 di taddart n wizgan. Ass mi yewweḍ d aterras yeḥmel lxedma aṭas, ixedem akal (tamurt), yessasay-d tamεict-is n yal ass i netta d ttwacult-is s yiγil-is. Ass mi yefra ṭrad amenzu n umaḍal (1914-1918), yezweğ i taddart-is, yeqqubel tagnitt akken yezmer di tallit-nni γas akken tuεar, yebbub taεkemt γas ẓayet izmer-as. Iseggasen n 1930 ass-mi i d-tewweḍ tezγent n tdamsa n umaḍal, llaẓ innul timura n dunit mera, ula d tamurt n leqbayel ur t-yezgil ara, dγa Dda lḥağ yunnag γer tmurt n Fransa, am leqbayel mera, yukka di trad n umaḍal wis ssin (1938-1945). Dγa, deg seggas n 1956 yuγal-d γer tmurt n Lzzayer, yukka di tegrewla tazzayrit. Di tmunent almi d ass-mi yemmut, Dda Lḥaj Meẓyan, ixeddem kkan tamurt, muḥal yeḥbes lxedma almi d ussan-agi ineggura seg-mi yeγli, yeṭṭef-it wusu. Dda Lḥaj Meẓyan yettwamḍel ass n lexmis 17 unbir 2011 di tmeqbert n Wizgan, anda ḥedren aṭas n yemdanen i temddelt-is. D amγar wassaren anegaru i yeεeddan lqern di leεmer-is n temnaḍt n Wizgan.
I.B