Salaḥ Si Youcef yeɣunza Tamaziɣt

Partager

Temlal-d Tutlayt Tamaziɣt deg uɣerbaz Salaḥ si Yusef n Tubiret ugur d ameqqran, aseggas-a. Timentelt-is d yiwet n tselmadt tesḥarac inelmaden i wakken ur qqaren ara Tamaziɣt yerna s lamer n unemhal n uɣerbaz-agi.

Aselmad n tutlayt Tamaziɣt, Brahim Baḥmed, yuzen arabul i unemhal n tsedwelt d usegmi n Tubiret. Isegzi-yas akk d acu la iḍerrun deg tneɣriyin gar tselmadt d yinelmaden-is. Tura iselmaden n tutlayt Tamaziɣt n Tubiret atna-n ttraǧǧun d acu ara yexdem unemhal n tkadimit. Ma ulac kra n tifrat, iselmaden-agi fran-tt gar-asen i wakken ad ssiweḍen anemhal n Salaḥ si Yusef ad ibedd ɣer teɣdemt. Yerna inelmaden qqeblen ad ilin d inagan ɣef wayen i yasen-d-teqqar tselmadt deg tneɣriyin.

Rnu ɣer-s, anemhal-agi yefreq tiwreqtin i yimawlan n yinelmaden akken ad ten-sextiren ma ad lemden Tamaziɣt neɣ ala.

Mumuḥ Ɛezzuz

Partager