Nouara
Dda cherif iḥseb-iyi d yelli-s ! ass-a iruḥ-iyi baba, acku limer mačči d netta ur ttizmireɣ ara ad iliɣ d tacennayt. Qerriḥ-t tmettant-is, imi ur ssawḍeɣ ara ad mmeslayeɣ yid-s deg wussan-a ineggura, ɣas akken ssawleɣ i yelli-s tasebḥit-nni dɣa uqbel ad terzu ɣur-s ɣer sbiṭer iwakken mi ara taweḍ ad iyi-t-id tesɛeddi ad mmeslayeɣ yid-s. D acu kan lewhi n lxemsa n tmeddit yeɣli-d yisalli n tmettant-is. Ur zmireɣ ara ad d-afeɣ imeslayen deg lawan yecban wa, d azamul i aɣ-iruḥen.
Kamel Hammadi
iruḥ-iyi uḥbib d umwanes n lxedma. Nexdem akken azal n 55 iseggasen ula di lɣerba. D yiwen urgaz yetɛeqlen, yettmeyyizen.
Ɣas akken lɣerba tewɛer, maca tagmat i aɣ-yesdukklen ur tesɛi tamtilt, yal wa yettili ɣer tama n wayeḍ.
Yidir
Dda cherif d azamul n ccna n teqbaylit, tamettant-is tesgugem-iyi. S yes-s i nufa abrid ɣer ccna, s timmad-iw, s d Dda cherif i sneɣ d acu i d allal « le violon ». Cfiɣ-d akka mi nella meẓẓiyit, yesselmad-aɣ le solfège. Aṭas i d-lemdeɣ ɣur-s, tettunefk-iyi tegnit ddiɣ-yid-s, xedmeɣ yid-s, almi skelseɣ aẓawan i snat tezlatin i yura, tecna-tent Nouara.
Lounis Ait Menguellet
Tamettant n Dda cherif d tin i iḥuzan inaẓuren akken ma llan akked unnar adelsan sumata. Ulamma aṭṭan i tekecmen aṭas aya yessaweḍ yewwi-t, maca ur yeḥbis ara deg lxedma. Akken i yella d anaẓur ameqran i yella d lɛaqel. S yes i d-nnulfan icennayen asmi yessedda nnuba n « yicennayen n uzekka » deg umaṭṭaf wis sin. Ass-a, d agerruj i d-yeǧǧa i izemren ad aɣ-isebber fell-as.
Mohamed Saâdi (anemhal n BRTV)
Chrif kheddan d cfayat, d iḍelli, d ass-a d azekka n teqbaylit. Yessuli ccan d yiseɣ n yidles n teqbaylit, ula ma yemmut mazal akka ɣer zdat ad d-yettwabdar s ugerruj i d-yeǧǧa. Tettunefk-iyi tegnit ad t-issineɣ asmi i d-yeffeɣ usaru n « tawrirt yettwattun ». Seg wass-nni, nuɣal nettmeẓra, nettemlili. Cherif kheddam ur aɣ-yeǧǧi ara, ur aɣ-yettaǧǧa ara, imi d netta i d cfawat am i nekni ama i tarwa-nneɣ ara d-yafen agerruj i d-yeǧǧa. D azamul i izedɣen deg wulawen d wallaɣen.
Abdellah Sahki Yugurten
I kečč a D da Crif
Carew-aγ mi yi-d- yewweḍ lexbaṛ
Hzenent tγummar
Ewwet ay adfel senni-tt
Ṛuḥ a Dda Crif a lefnar
Wi k-yesεan d lğar
Ijaḥ m ur yefhim sser-ik
Fell-ak i bezegen lecfar
Yeggujel lewṭar
Lεud yellan d arfiq-ik