Yewwi-tt-id deg yidammen-is, deg wasmi i d-ilul; yeṭṭeḍ-itt-id am yizir n uyefki, deg tebbuct n yemma-s, teqbaylit-nni. Yes i imuger ddunit m yeẓmiken, tinna akken yebɣan a tesmundel tiṭ-is akken ur yessikid s ayen ibeɛden. Tger-as irebbi temdint i deg uɣen aẓar imesdurar, si zik n zik. Ula akken yessazzel taqbaylit am tala i deg d-tteffint tezyiwin-is aman zeddigen , am tmusni, di yal lawan: Tahar Djaout, Rachid Tigziri, Boukhalfa Bacha, Ben Mohemmed, Mohend Arezki Himeur, Amar Yahyaoui d wiyaḍ nniḍen. Ini-d temteḍ, akken tent-id-yenna wemdakel-is Tahar i tent-id-yeqqar netta di Rradyu n teqbaylit deg wasmi yebda lxedma-s imi ɣer ɣur-s awal d tanaṣlit, d iseɣ, d nnif, d taqbaylit, yewwi-d ad nḥareb fell-as. Yettwellih ixulaf, yessakay-iten s tedwilin “Ayen yellan di tasilt a t-id-yessali uɣneja», ad d-lhin d yiman nnsen, ad zerɛen tikta amer ad mɣint ad qarɛent fad n tmusni… Yattaded ɣef tizi, yettmaqal anda yessaweḍ, anda ssawḍen wid-is, d awal ɣef umezruy, ɣef yedles, ɣef imeɣmasen. Ameɣnas ,ɣer ɣur-s ur iḥebbes ara, ur ttkawen ara ifadden-is, Tizi iɛeddan temmal-as abrid n tlelli, abrid n liser, abrid n tilin di talliyin n ẓẓmik, abrid yessidiren s wecqirrew di Tizi n wass-a. D aqbayli aḥrur ur nberru i ṭṭbel deg waman, mazal ifadden, mazal tikta-s, mazal ad d-yini aqlaɣ da ay arrac-nneɣ!
Zira
* Teffeɣ-d yakan tekrunikt-a teqqarem (t)