Nnan at zik s izik aẓar ijebbed ɣer tara, nebla aẓar ur tgem tara, ulama tegreḍ-t deg waman, acku ayen ɣef i tebded tilin ur yelli-ara. D alammi ɣas akken nekk-ad seg yiwen, maca tameddurt terra-aɣ ɣef waṭas, amzun akken ur d nekki seg-yiwen.
Aya d ayen ara ad d-naf yurez ɣer tikli n yal yiwen.ama deg yiman-is ɣer yiman-is, neɣ deg yiman-is ger wiyaḍ, yal yiwen d tudert.
Buɛfif: lmal, d lmal, yal yiwen akken yessawal wa yesmuhruy, wa yesbeɛbuɛ,wa wa yettadan, wa yesseglaf, ɣas mgarraden di tmeslayt maca ttemsefhamen Am nekk d wesdiq agi inu (iwehha ɣer weγyul-is) neɣ am weḥbib agi inu (iwehha ɣer weqjun-is), neɣ nekk d teɛdawt agi inu (iwehha ɣer tmṭṭut-is) at taddart cexcen
Agellid: Amek, amek!?
Buεfif: Akken tattwalim: tenniḍ asdiq hatah (d Aɣyul-iw ameɛzuz) tenniḍ aḥbib hatah (d aydi-w ameεzuz) Tenniḍ aɛdaw-iw hattah (d tameṭṭut-iw tameɛzuzt) At taddart wehmen
Agellid: Tameṭṭut-ik! Yemma-s n warraw ik, tigejdit n uxxam-ik i d taɛdawt-ik!
Buɛfif: Ma d nekk nniɣ-d d wi ma yella twalaḍ akken nniḍen Ayen-nni, d tamuɣli-w
Agellid: Akka tura tilawin nneɣ akk…(Faḍma terfa tebɣa ad Ad mmeslay)
Agellid: Aha mmeslay ma yella kra ara d tiniḍ
Faḍma: Imi akka, ula d nekk ad d-iniɣ d tidett i d-yenna, unekkar lxir, ɣilleɣ sreɣ leɛyub-is, ṭṭseɣ ɣef dnub-is aziɣen akken bɣuɣ xedmeɣ ur ɛeddaɣ ara d tidett d wa i d lxir twalam!ay at taddart :ɣurwat ad as t inim yefhem, yessen,ih Buɛfif tessnem d acu i d Buɛfif, Buɛfif am ɛmara, d lhez Ayen akka! Ibabaten ak mmezlen buɛfif yeffer-it, yeffer baba-s yeger-it d axel n tesraft assen yugad ad as-faqen yebna-yas akufi
Agellid: Amek! yeffer baba-s ah (yezɛef) tura at-id Awiḍ ayya awit-tt at id yawi ah! Iserdasen
ẓewren buɛfif zzat-nsen ffɣen At taddart wehmen amek ara teffeɣ
Asekkir14
Asyes 1
Deg uxxam
Ccaf : Anida-t?
Buɛfif: Atan d ihin (mi yedla ɣer ukufi ulac-it)
Ccaf : Anida-t akka ?
Buɛfif : Dagi i t-ggiɣ
Ccaf: Tetmesxireḍ, anida-t ?
Amɣar : Aql-i da
Ccaf: Iyyaɣ ihi ffeɣ-d
Aserdas: Ad d teffɣeḍ neɣ la?
Buɛwfif: D acu?
Ccaf: Ah! ur d-teffeɣḍ ara
Amɣar: Ruḥ ini-as i ccaf-ik ala k-yeqqar ma tebɣiḍ ad d-neffeɣ-ɣ Awi-iyi-d iḍebbalen
Ccaf: Tura.
Buɛfif: Aha tura erra azeyer deg-i
Aserdas: I teẓriḍ d wa i d aẓeyyer
Buɛfif: Aw! Ula akka aṭas yid- wen tugadem ad rewleɣ serreḥ, serreḥ ad subbeɣ ɣur-s
Aserdas: Aṣubbu ur yelli
Asekkir 15
Asyes 1
Aserdas ɣer ugellid (deg ugni)
Agellid: I umcum-nni anida-t?
Aserdas: A sidi a la k-yeqqar ma tebɣiḍ ad naliɣ awiyi-d tayuga iḍebbalen.
Agelliid: D aya, awit-as snat.
At taddart ttemxezzaren ttganin melmi ara d yaweḍ,tekker temhawca
Yiwen: Yah! Aziɣ akka ! d ayemmi i yuɣal d amussnaw wayi tewwi yas-d ad d yemmzel am netta am baba-s.
Wayeḍ: Ur nettruḥ ara sya alamma yemzel baba-s, yerna d netta ara a t-yezlun s ufus-is s ufus-is ih!
Lemṭenṭen: Teẓram neɣ ala! Err-t tadimt i tisiswa-nwen telli-m tawwurt i wallaɣen-nwen s teqqsi-t iman-nwen, limer yemmut, aniwa ara d- yerren i isteqsiyen? ih! i tuttriwin i aɣ-d-yewwi wissen dɣa ansi,ah! Acimi ur testeqsam ara anisa i d-tekken-t tuttriwin -nni? i netta aniwa i d baba-s? Anida-t baba-s, anida yella yella? Ma yemmut i d-nufa azekka-s, limer yelli tilfi i as-d-necfa neɣ ad d-naf limara-s ah !
Yiwen: Waqila d tidet a la d-yeqqar, ih! Aniwa i d Baba-s?
Wayeḍ: Ayen yeẓran yeẓra ulac tuɣalin ɣer Deffir, nennɣa ibabaten-neɣ ula d netta ad t-ineɣ.
Wayeḍ: Ad t-ineɣ neɣ ad at nenneɣ, amek! D Awezɣi ad d tuɣ akken nnɣiɣ baba, ih werɛad ad t-nnɣeɣ yessegra-yi-d awal yenna: akka ad-iyi-d-tewwiḍ ara k- id-yawi mmi-k, akka ara iyi-tzluḍ ara temmezledp ula d kečč iseggem afus-iw ɣef tyersi-s yenna: Aha tura ssuk deg-i a ddu as di lebɣi i ugellid, nekk meqqar di lmut-iw d talalit-iw wamma netta ad as-d-teddu, akka iyi-teḍra ara s teḍru, lmut-is d talalit-nnwen
Ataya yessawd-d wemɣar i teddu
yettγenni
Amɣar: Yal yiwen akken i-as-teḍra wa s tmezla wa d as Kuffer. wa deg uxxam wa di berra wa ɣef ccafa degrent s iɣzer ma d nekk ass-a s tmeɣra tuffirin atent-id-nebder.
At taddart ḥman tagnitt ad yemmet, ad yemmet ad yemmet
Amerɣd: Neɛya di lmut, neɛya di tmenɣiwt, acimi ur t-nettanef ara, ma nennɣa-t ad yeglu s tmusni-s .Nenɣa tamusni, limer mačči d netta yella win izemren ad d-yer i uttriwin? Ulac…! atan ihi!ma yella irgazen am wi ad ten-neqq ini-t-iyi-d d acu ara d- yeqqimen i nekkni amek ara teḍru yid-neɣ? nndama tettas-d d taneggarut meyez-t, lli-t allɣen-nwen i d-yewwin lmut d win i awen d-yennan nnɣ-t d kunwi yenɣan,wamma wa urtufiḍ d acu i yexdem, neɣ acku yessen, acimi i yessen?
Wayeḍ: D tidet d nekkni i ivelmen, d nekkni, d nekkni…ih ulac lmut, ulac lmut, Buɛfif yeffer Baba-s i kunwi yella win iwen-yennan ur tent-teffaret ara? Akka! iban-d tura d aɛluḍ i d uḥric-nneɣ, tiḥerci-nwen d tiεulḍa,twalam ass-a yewwi-d ad as-ner abruc n dheb ad at-ner d agellid fella-ɣ, acku yessaweḍ deɛwessu ɣer yixef n tririt tura wali-t ma yella kra i aɣ-teğğa ad t-id-nerr-t.
Agellid: Atan ger-awen atan rriɣ ɣer ɣur-wen akken i d-tennam akken (Tasusmi tuɣ-d Agni)
Agellid: Ahaw ah! Atan umeslay ɣer-wen
Yiwen: Mmuten imenza ula d netta ad immet ulac din Akellex, nettru ad aten-iru ula d netta
Wayeḍ: Ala lmut ur ittmettat ara yak, ula d nekk Nnɣiɣ Baba. Ssurefeɣ-as seg ass-a d asawen d netta i d baba ma yella yebɣa
Amɣar: Nekk a tarwa deg aṭas aya i muteɣ, assen id Sliɣ i imeğğiden steqsaγ d acu yeẓran, nnan-
d agellid i d-yefkan awal ad ffken imɣaren d asfel, iw uzekka ara d yasen ihi ula d nekk, assen i ruḥ-ɣ d asfel am wid iruḥen ayen akka rniɣ erniɣ-t ger wid yemmuten ttwaneṭleɣ werɛad mmuteɣ ihi nekk ad awen-iniɣ seqs-it agellid anita i ttamurt-is? aniwa i d baba-s? Tidet qerriḥ-t.
Yiwen: Aniwa i d baba-s?
Agellid: Aniwa i d baba! Anita i ttaddart-iw!
Amɣar: Ih ay agellid teddiḍ, teddiḍ hata wayen i TufiḍAt taddart: Ini-d ay amɣar ini-d ini-d
Amɣar: Ma yella iyi-t-fkem ccba-k ur as tettgem kra n diri
At taddart: ih, ih, ncubek-ik …
Amɣar: Ihi a tarwa ayen akka akk yeḍran yidwen Neɣ yidneɣ ssegneɣ i d yekka d nekkni i d tamentilt nella zik d yiwen deg iwet n terbuyt i nemsebḍa akken id nnan imezwura, assen meqqert taddart nebḍa d ijulal d ifergan d iderma d leṣfuf, akken nwet akken ad neddukel ur nezmir ara nuɣal wa ur yezmir ad yeḍmen wa, win ara d ibedden wayeḍ ad at yagi. Ddu ddu yiwen webrid nessebded awal belli yiwen degneɣ ur yettuɣal fell-aɣ d aqerru degay ger-aneɣ maca aberrani ara d yasen, ad tner d aqerru. yiwen wass ataya yus-ad baba-s n wa yellan ger-awen, ihi nenna-yas ad ak ner d aqerru tidet kan, netta yugi d nekkni i t-ḥettmen ad yuɣal fell-aɣ d agellid netta yenna-d :
Agellid: Akka i tella, baba d tarewla i d yerwel, ɣef sebba n ttar, netta ur lliɣ d ṭṭamen.yella iyneqq xelles-it ad ineɣ. Assen d tarewla id yerwel yuɣal d agellid
Amɣar: Ihi atan zdatwen akken i awen-yehwa ffrut-tt
Lewzir: Awal atan ɣerwen
At Taddart: Lmut, lmut i ugellid, lmut, lmut ya qettal ṛṛuḥ win truḥ
Akli Tamazirt