Ufan-tt leqbayel leqbayel d tawwurt umennuɣ ɣef yidles d tutlayt-nnsen si zzman-nni n tekmamin yeqqlen ɣef yimi ɣer ass-a n wussan. Win i d-iɛeddan deg-s, yaf-d abrid ansi ara yesɛeddi tamuɣli-s di tlufa yeggunin aqbayli di tmurt neɣ di tmura n medden: wa s tezlit, wa s usefru, wa s wawal, artg. Awi-d kan ad friwsen medden, ad akin, ad ẓren anda yedda laṣel-nnsen. Akka i d tudert-is, tedda akken ddan yemḍebbren iɛeddan fell-as, wa yessebrareḥ-as tiwwura i yeɣleq udabu fell-as, almi i d-as-yeqqmeḍ rruḥ, wa ikemmel yeɣleq ula d cwiṭ-nni n tawwurt i d-nessebrareḥ s umennuɣ, s leḥbas yeččuren d imeɣnasen, s yiles-nneɣ yeggugmen anda akken yeshel lmenṭaq imi yal tikelt wi d-aɣ-yerẓan! Ayen tezreɣ d awal cleqfen-t medden, ama yewqem ama ixuṣ yegra-d kan ad ssifen, imi yal yiwen teqbaylit-is i s-yenna Lewnis. Teqbaylit-nni i ɣ-yerḥan, wa yessidir-itt, wa yessufuɣ-as rruḥ, yettagad ula d tinebdar amer ad tt-id-bedren medden imi isem-is icudd ɣer tmurt n leqbayel, ɣer umessedrar, ɣer umennuɣ, ɣer yiles, ɣer tudert. Ziɣen kullci d awal kan, win yeṭṭfen amkan ad yettu wi t-ilan! Win yeṭṭfen amkan ad tt-yessengar, itettu d acu-tt?I wumi-tt? Wit t-ilan? Itettu ayen i iɛeddan d wayen sɛeddan fell-as. Ccwi kan llant tira, llan agad i d-yeqqaren xas xaḍen yimawen imi awal yeǧǧat-id mmi-s n Ulxu :“Ma tessusmeḍ ad temmteḍ, ma temmeslayeḍ-d ad temmteḍ, imi lmut ad temmteḍ, ini-d ayen i k-iqerḥen temmteḍ”. Ass-a neḥder-asen, nwala amek ttuɣalen, ziɣ fettden yemdanen. Iḥun kan mazal ifadden i yat tsuqas i s-yeṭṭfen lxiḍ n rruḥ, imi yiwen wass s ifassen-nnsen ara telḥu, d iles-nnsen ara d-yinin tiqerḥanin i nerra kan ɣer daxel tiririt n bessif. Sya ɣer yimiren, ad nekker kan ad necnu tizlit Tilelli, imi mazal nḥemmel-itt am ass-nni degi i d-llint wallen di tmurt n leqbayel.
Zira