Yuɣ lḥal taɣiwant n Ferɛun tefreq yakan deg wussan imezwura n wayyur n remḍan azal n 140 n yiḍellaɛen i as-d-yettunefken sɣur tanmehla n tirmad tinmettiyin(DAS) n Bgayet. Ussan-a daɣen tesbedd tɣiwant-a lqideṛ n 30 melyun suntim, tadrimt ara yettwaferqen d iḍellaɛen n yisufar n wučči ɣef twaculin tigellilin ur newwi ara lḥeq-nsent deg ufraq amezwaru. Ar yimir-a, yewweḍ umḍan n yiḍellaɛen i yettwaferqen di akk tudrin n tɣiwant n Ferɛun ɣer 170 d aḍellaɛ, afraq mazal ad ikemmel arma d ussan ineggura n wayyur n remḍan.
M. C.