Ilmend n umuli wiss 50 γef tmunent n tmurt n Lzzayer, u ilmend daγen n wass n wemjahed i ttewεeggnen i wass n 20 γuct anda i d-llant zeḍmat γef ugafa n Qsenṭina aseggas n 1955, d tlalit n wegraw n Summam deg taddart n yefri uzellagen i lwilaya n Bgayet deg seggas n 1956, aṭas n leqdic-at i d-ittewheggan γef demma deg 04 n tγemmar n tmurt n Lzzayer. Dγa, taddart n Yiḥaṭussen n tγiwant n Wizgan, heggan-d yiwen n leqdic γef demma u s wazal-is, anda id-tella tulya tunṣibt n yiwen usebdad n 19 imaγrasen n taddart-agi Iḥiṭussen i yeγlin deg wegni liser, ruḥen d asfel γef tmurt n Lzzayer, annect-a yella-d ass n 29 γuct 2012 yezrin, s leḥdur n deqs n yinebgawen n lḥerma i d-yussan di 04 n tγemmar yemgaraden n lwilaya n tizi-wezzu, akk d temnaḍin niḍen n tmurt n Lzzayer. Dγa a yella nebder-d kra ger wid i d-yussan γer tmesbanit-agi, a d-nnaf imḍebren n lwilaya n Tizi-Wezzu, γef uqaru-nsen mass Maḥfuḍ Belεebbas aselway n wesqamu aγarfan n lwilaya n Tizi-Wezzu,Tawacult n yigrewliwen, ger-asen imḍebren n tudsa taγelnawt n tama n Tizi-Wezzu d temnaḍt n Wizgan, tidukliwin n waraw n imeγrasen, tidukliwin i qqedcen deg nurar yemgaraden, tisquma n tudrin, d yemḍebren n yeḥricen yemgaraden. Mebla ma nettu tirza n yiwen n wudem i yetwasnen deg wennar n wadal, wagi d aslaγmay Nurdin Saεdi i yellan d mmi-s n taddart-agi Iḥiṭussen taγiwant n Wizgan. Ahil i ttewjarden d amarkanti, anda i d-tella tulya n usebdad n 19 imaγrasen n taddart n Yiḥiṭusen, syen tella-d tikci n warazen d cciεat usmekti i twaculin n 19 imaγrasen n taddart-agi, akken iffkan daγen igardasen usebγes i kra n wid i d-yussan γer tmeγra-agi. Γer tagara, tekfa s yiwet n tmeγra meqren anda ccnan deqs icennayen, syen ffkan arazen d igardaen usebγes i yinelmaden n taddart Iḥiṭusen i d-yufraren deg kayaden yemgaraden ,Bak, Bem d 5eme. Dγa leqdic iεedda deg tegnatin yelhan aṭas.
Islam Bessaci