Aman di taggara n useggas

Partager

Imezdaɣ n 8 n tɣiwanin n ugafa n lwilaya mazal ad arjun acuddu ɣer ubaraj n Taqsebt ara d-yilin di taggara n useggas . Ad ner tamawt belli azal n 160 000 n yimezdaɣ n tɣiwanin-a (Tigzirt, Bujimaɛ, Azefun, Iflissen, Aɣrib, Zekri d At Caffa), i ijemɛen 214 n tudrin, d wid yettidiren deg teswiɛt iṣaɛben s sebba n lexṣaṣ n waman n tisit ama d nebdu ama d cetwa. Asenfar-a n usiweḍ n waman ɣer teɣiwanin-a (yebda deg useggas n 2010 ) d win ideg d-yella uɛṭel meqqren. Niqal ad iselek deg useggas yezin, Tura, ɛla ḥsab n tenmehalt n weḥric n waman lecɣal n usenfar-a d wid yewweḍen ɣer 95%, u mazal alla 2 ikilumitren iwakken ad ifak.

Ad ner lewelha belli asenfar-a i d-yesqamen 3 500 imelyunen n dinar, d win deg llant snat n lexznat, yiwet(5000 m3 ) deg tamma n Telata deg teɣiwant n Iflissen , tayeḍ (3 400 m3 ) deg At Ǧennad , rnu ɣur-s 3 stations de pompage d 7 n lxeznat timeẓyanin.

Dalila I.

Partager