S kra n win ara yaɣen abrid di tmesrafgit ama ɣer tmura n lberrani neɣ di Lezzayer, ad yaf dakken llan yirgazen akked tlawin I yemmalen I wid ara iruhen amek ara cudden iman-nsen d wamek ara xedmen ma yella yedra-d kra di tmesrifegt. Widak-a i d-yemmalen, ssexdamen snat n tutlayin d ubeggen s ttawilat I wid ur nsell, ur nettmeslay. Snat n tutlayt-a I ssexdamen banent: taɛrabt d tefrensist, ma d tamaziɣt amzun akken ɣunzan-tt.
D acu kan nezmer ad nefhem akka belli mačči ur tt-ssinen ara, me3na ahat senden Ikbayliyen d wid yettmeslayen tamaziɣt sumata ɣer yiɛezzugen, d yigugamen.
ɣas akken tamaziɣt ters di tmendawt d tutlayt taɣelnawt tis snat ɣer tama n taɛrabt, maca nettwali ttarran-tt di rrif deg watas n yihricen neɣ waqila bɣan kan ad tili akken I d-yenna Lwennas:
Tameslayt I d-yefrurin di sseh
ɣer ɣur-s telha kan I cdeh
S. M.