Felli iɛedda uzaylal
Felli mmarent-d tlufa
Isusem ittejgugul wawal
Imru-inu terẓa-t tmara
Arret-as tajbirt temmsel
Ikker- d ad yezwi takka
Aẓemmi n allaɣ a t-yeslal
Aɛreḍ ad taruḍ
Aɛreḍ ad taruḍ
Aɛreḍ ad tebruḍ i tazayt i k-yesseknan
Aɛreḍ ad tarud , amer ad tebruḍ i taẓayt i k-yeseknan
Bdu ansi tbedduḍ
Bdu ansi tbedduḍ
Ttru akken tettruḍ
Xas imeṭṭi-inek ur d as-d-slan
Ansa ara bduɣ tamedyazt ?
Ansa ar abduɣ tamedyazt ?
Ma ad d-bduɣ si tayri
Neɣ ad d-suɣeɣ ɣef temsalt
Ɣef temsalt icerken medden irkulli
Ma ad bduɣ si tafat
Akken ṭṭlam ad yegri
Neɣ ad tent-sduklaɣ di snat
Amek ara frunt daɣenni ?
Frant ad fernent
Frant ad fernent
Seg wallaɣ-ik kksent
Si lḥif n tira
Frant ad fernent
Frant ad fernent
Seg wallaɣ-ik kksent
Si lḥif n tira.
Sefruri-tent ad kecment
Sefruri-tent ad kecment
S allaɣ ad t-slalent
Bɣir lḥif n tira.
Ad sniɣ imeslayen
Ad sniɣ imeslayen
Am uzrar n usmekti
Ad ismekti ayen ifuten
D wayen nettemlili.
Mɛana ad t-ddmen yemsewwqen
Mɛana atedmen imsewqen
Iwakken ad t-rren i lbiɛ.
Ugadeɣ a t-aɣen
Ugadeɣ medden a t-aɣen
Ssuma ara s-gen nitni
Mačči d aṣurdi
Suqq-ik d tikti
Ur tettnuzu ur trehhen.
S mektid lɣaci
Ad sewwqen di tmusni
Tadrimt-nsen d imruyen »
Xabet Ḥsen » Waḥsen » 1983-2005