Yiwet n tikkelt, illa-d ṭṛad meqqer, ihi γlin aṭṭas n lmeyytin, yiwet n tama d nettat id-igran, ittussemma d nutni i irebḥen ṭṛad, ameqran-nsen isteqsa lεeskeṛ ines ma ṭṭfen-d imeḥbas, nnan-as: -Neṭṭef-d azal n εecṛa.
Inna-asen: -Anida-ten?
Wwin-t γer yimeḥbas-nni iwala-ten steqsan-t: -Acu ara sen-nexden ay ameqran?
Inna-asen:-Ur rennuγ ara taεkemt-nsen.
Ibda ara isteqsay deg yimeḥbas yiwen, yiwen: -Acu d lḥirfa-k keččini?
Inna-as: -Ur sεiγ ara lḥirfa.
Ameqran : -Ihi gzemt-as aqerru-s.
Inṭeq γer wayeḍ: -Acu id lḥirfa-k?
Ameḥbus: -Ur sεiγ ara lḥirfa.
Ameqran : -Rnut-t γer umezwaru.
Akken armi d-iwweḍ γer yiwen deg yimeḥbas inna-as: -I kečč d acu id lḥirfa-k?
Ameḥbus: -Nekk si zik d axarraz.
Inna-as umeqran i lεesker: -Arret-tt di ṭṭerf ur t-neqqet ara.
Steqsan-t lεesker-ines: -Acimi ur t-tenγiḍ ara am wiyaḍ, ahaqel i mi d axarraz?
Ameqran n lεesker: -S tidett bu lḥirfa infeε a lukan d axarraz.
Tamsirt nneγ si tmacahutt-agi, d akken a nẓer belli lḥirfa tenfeε bab-is akken ibγu yili. Yal ccγel inefεen d tamusni.
Yahia Yanes