Tasdawit Akli Mohand Oulhadj n Tubiret ad d-tessudes ussan n 17 d 18 yebrir ideg i nella yiwet n tfaska tagraɣlant yerzan aɛeddi seg timawit ɣer tira di tmaziɣt. Aṭas n yinebgawen n lḥerma ara yilin di temlilit-a, gar-asen kra n yimusnawen n tmurt n Lmerruk ara d-yawin tirmit-nsen ɣef uselmed n tmaziɣt d uɛeddi seg unnar n timawit ɣer win n tira. Ɣef leḥsab n yimeslayen n M.Djellaoui, yiwen seg wid yettwasnen deg unnar n leqdic deg yidles amaziɣ, “timlilit-a d tin ara d-yilin di lmendad i kra n wid yesselmaden tamaziɣt, imi d tagnit ideg ara d-yili umbaddal n tirmit.”
Tasdawit n Tubiret tger akka tiɣri i wid akk iqeddcen deg unnar n usnerni n tutlayt d yidles amaziɣ ad ilin di ttiɛad.
S. M