Taggara n yimalas yezrin, tehez temdint n Burǧ Uxris i d-yezgan ɣef wazal n 20 ikilumitren tama n unẓul n Tubiret s tmettant n yiwet n teqcict yesɛan azal n 18 n yiseggasen di lɛemr-is. D isalli yuzzaren kra kan n tedqiqin mi d-teḍra twaɣit-a, ulamma deg yiḍ. Ɣef leḥsab n yisallen i aɣ-d-yewḍen, tilemẓi-a terra talast i tudert s tḥerrast n gma-s yellan d aɣeggal deg yiɣallen n laman. Si tama-nsen, iǧadarmiyen n tɣiwant-a ldint yiwen n ukaram n unadi iwakken ad d-beggnen ssebbat yessawḍen taqcict-a ad tneɣ iman-is.
S. M