Tazrigt tis 03 n tfaska taγelnawt n ccna n ddin neγ lemdiḥ, id-sudes tdukla tadelsant Yessi-s n yidurar n temnaḍt n Tizi-Raced, s lemεawna n tdukla n lumur n ddin n temεemmart n Sidi Ḥend Wedris n tγiwant n Yillulen Umalu akk d tidukla Tiziri n temnaḍt n Ukefadu lwilaya n Bgayet, u s ddaw laεnaya n wesqamu aγarfan n ugarzu n Tizi-Wezzu d tmahla n yedles n lwilaya-agi, teldi tiwwura-s swudem unṣib ass n 30 maggu yezrin di temεemmart n Sidi Ḥend Wedris, ayagi yella-d s leḥdur n yemḍebren ntemnaḍt n Wizgan, ger-asen aselmaw n dayra n Wizgan, aselway n tγiwant n Yillulen Umalu, imḍebren n yeḥricen yemgaraden n lwilaya n Tizi-Wezzu, u slaḥdur daγen n deqs n tdukliwi n lumur n ddin i ittewxeṣen deg lemdiḥ n lwilayat yemgaraden n tmurt n Lzzayer, id-yerzan γer tfaska-agi, ger-asent, Tizi-Wezzu, Xencla, Taγardayt, Tbessa, Wahran, Tubiret, Bumerdes, Bgayet, Busεada d Blida.
Ahil n leqdic d amarkanti, anda ijarden timzikniyin yemgaraden n lḥirfat ufus, asenεet n tceqqufin n umezgun, isaragen γef azal yesεa lemdiḥ di tmetti akk d temzizla γef terbaεt tamenzut ara-d-yuffraren di lemdiḥ. Leqdic d win iεeddan di tegnatin igarzen aṭas anda tafaska-agi tesuli leqdic-is ass n 31 maggu s tikci n warazen d yigardasen usebγes i kra n wid yukkan di tmesbanit-agi.
Islam Bessaci