Mebaɛd timdinin n Paris, Lyon, Grenoble, Arcueil deg tmurt n Fransa i isemnan iberdan s yisem n Matub Lunas, tikelt-a taɣiwant n Argenteuil i d-yezgan deg ugafa amalu n Paris, deg tama tayefust n wasif n la Seine, i isemman abrid s yisem n unaẓur Matub lunas inɣan ifasen n leɣdar ass n 25 yulyu 1998 deg Tala Bunian deg webrid n At Duala. Aya d ayen i d-yellan deg durt yezrin s leḥdur n yinaẓuren d twacult n matub. Am akken i d-yella yiwen unejmuɛ deg tama iwumi qqaren les Cerisiers.
D. I