Tedder tɣiwant n Mɛatqa, i ibaɛden ɣef twilayt n Tizi wezzu s wazal n 25 n yikilumitren, ɣef teɣzi n ddurt , tumert n tfaska n ufexxar i d-ituɣalen di yal aseggas. Tafaska n ufexxar n tɣiwant n Mɛadqa i ittwaxdmen deg uɣerbaz n uselmed n lḥirfat n temnaḍt-agi, ttikin deg-s i useggas -agi, azal n 100 n yiḥirafiyen, usan-d seg wazal n 20 n twilayin n tmurt n lezzayer, ad nebder, Tamenɣast,Tinduf,Adrar,Bumerdas, Blida , Batna d tmenaḍin nniḍen. Inebgawen-agi i d-yerzan ɣer tmurt n leqbayel, yal yiwen yuwid kra seg wayen xeddmen warraw n tmurt-is deg wayen yerzan afexxar, isnaɛt-it-id di yiwet n rreḥba , anda d-yella umbeddel n tikta gar yiḥirafiyen, i iḥurben ɣef wayen i d-ooan imezwura-nneɣ, ladɣa lxudma n ufexxar s yifassen, d tarayin yemgaraden iwakken ad taweḍ talaɣt-nni d ajeqdur i seqdacen imezwura-nneɣ di tudert-nsen n yal-as, ama d tabaqit, ljefna, tuggict, taseksut d tɣawsiwin nniḍen, tiɣawsiwin-agi regment s kra n yizamulen i yesɛan azal di tmetti taqbaylit ladɣa ɣer tmeṭṭut, rnu ɣer waya xsen inebgawen n temzikent-aki ad begnen ayen i sɛan d tamusni deg uḥric-agi n lxudma n ufexxar.Timzikent d tin ɣef i d-rzan yemdanen si yal tama, iwakken ad farsen tagnit, ama i tmuɣli neɣ i wakken ad aɣen kra n tɣawsiwin i teḥwioin di tudert-nsen n yal ass, imi ula d wid yettidiren di tmedinin uɣalen la tenadin ɣef ijeqduren n wakal i wakken ad sewwen neɣ ad ççen deg-sen, imi takken-d yiwet n lbena izaden i lmakla, imi si tamas massa Karima,A terza-d ɣer reḥba-agi n ufaxxaf ɣef dema i wakken ad taɣ tuggict n wakal i cerba, imi la tettheyyi i Remḍan i yellan ɣef tewwura, tenna-d deg wawal-is d akken arraw-is ur zmiren ara ad ççen deg tbaqiyin neɣ iḍebsiyen yettwaxedmen s zzao, imi suturen akk tibaqyin n wakal, iwumi fkan iḥirafiyen udmawen d imaynuten xulfen ɣef wayen yellan yakan, ɣer tama n temzikent n ufexxar i yellan di reḥba n uɣerbaz n uselmed n lḥirfat, nnejmaɛen yimdanen ɣef teɣzi n tfaska-agi i wakken ad d-slen, diɣ ad gemren timusniwin n kra n yiselmaden n tseddawit i ixeddmen ɣef dema n useḥbiber ɣef tɣawsiwin n ufexxar imgaraden ,am akken daɣen ttnadin si tama-nsen akken ad siwḍen ad begnen azal isɛa wunuɣ i sexdament tlawin i tmenna n kra n wayen i tent-iqreḥen di tmetti anda i tidirent, gar imusnawen i iḥedren s kra n yisaragen i d-heyyan, ad nebder mass Deḥmani, d massa Ämamra d wiyaḍ nniḍen. Tafaska n ufexxar n Mɛadqa d tin ifuken s yiwet n tmeɣra n ccna, d ufraq n warazen ɣef wid yettikin.
Malika Kebaili