“Sut taduṭ” La laine et le rituel des tisseuses
“Taduṭ deg-s cciɛa, deg-s rreḥma. D tamassart n ddunit, d tamassart n laxert.
Taduṭ d tamassart: d nnbi I tt-iburken asmi I inufeq di lkeffar. Bɣan ad t-nɣen, irwel-asen. Iruḥ ad yeffer gar yizgaren : mmwezzaɛen. Yedɛa-yasen, yenna-yasen : “mi terbeḥ tefsut, fkiɣ-awen ṭikkuk !”
Iruḥ ad yer gar umaɛiz: mmwezzaɛent. Yedɛa-yasent, yenna-yasent: “ a kent-yefḍeḥ Rebbi akken iyi-tfeḍḥemt, am taɣaṭ di suq !”
Iruḥ ad yeffer gar wulli : myeẓmaḍent. Ur t-ufin ara lkeffar. Yenna-yasent : “tessremt-iyi, ad tnesṭaremt. A kent-yeg Rebbiam tixsi n Ḥamza: taɛebbuṭ terwa, taɛrurt telsa.”
Taqsiṭ-agi mechuret. Gan fell-as ula d isefra am wagi:
A Rebbi tgeḍ-as I wul
Akken I s-iga nnbi I tixsi
Mi tt-ddmen, ad tt-llsen
Ur tezmir ara a ten-iɛaṣi
Mi tneqel, tezwi iman-is
Ma ɛriɣ a bab-iw ssels-I !”
D tukkist seg usebtar aneggaru