Ṛṛuz di lkuca

Ayen Ilaqen :

-Tibselt.

Kra n tfednin n ticcert.

– 3-4 n tfelflin n leḥlu.

– 3 n tḥebbuyin n ṭumaṭic.

– 250g n rruẓ.

– Amurṣu n ufermaj yeẓḍen.

– Lemleḥ, ifelfel aberkan.

– 3 n tenjayin n ufrara n uyefki (la crème fraîche).

– Cwiṭ n wudi.

– 2 n tmellalin.

Aheggi :

D axel n tmermiṭ ad nerr udi ,lebsel igezmen d arqaq,ticcert i neẓḍa ,lemleḥ d yifelfel aberkan. Ad t-neǧǧ ad yeqlu azal n 2 n tedqiqin, ad nernu ifelfel i negzem akked yimurṣuyen, syin akkin ad as-nernu ṭumaṭic i negzem d yimurṣuyen. Ad ten-neǧǧ ad qlun akken ad d- ḍelqen akk i waman_nsen,syin akkin ad as-nernu rruẓ-nni, akked wazal n ½ l n waman. Mi yefteḥ, ad as-nessenqes i tmes, ad t-neǧǧ ad yeww. Mi yewwa,yeswa aman ;ad nerwi timellalin- nni akked ufrara n uyefki akked ufermaj yeẓḍen, ad t-nexleḍ mliḥ akked rruẓ-nni wa ad t-nerr daxel n sniwa i dehnen s wudi, ad t-nerr ɣer lkuca azal n 20 dqiqa ad yezwi.

S tezmert n wen !

Nora.