Segmi ssulint tfaskiwin i d-yellan i tmudi unebdu agi deg At Yanni, attan d nnuba n tmeɣra n lfeṭṭa. Ad d-tuɣal i tikelt tis ɛecṛa seg wass n 16 ar 23 n waggur-agi n ɣuct. D timlilit i ttṛaǧun yal aseggas, ama d iḥeddaden n lfeṭṭa, ama d inazuṛen nniḍen. Seg lqern nni wis 14 i ixedmen Wat Yanni lḥirfa-agi. Ɣef waya i d-teqqim ass-a d agerruj sseḥbibiren fell-as imeqranen d yimeẓyanen. Ass-a s tmeɣra agi i tettwasen ugar temnaṭ agi n At Yanni. Di tmeɣra nni n 2011, ger imerriyen d inebgawen, azal n 15000 i d-yerzan ar tmeɣra-agi. Tikelt nni ikkin ugar n 40 inazuṛen, ama seg At Yanni, neɣ seg tamiwin nniḍen. Aseggas agi ad ilin azal n 61 n yiḥeddaden n lfeṭṭa d 20 n inazuṛen nniḍen. Yerna tagnit ur tɛawen ara, acku aṭas n yiḥeddaden i ineɣsen imi taḍbiqt n lmeṛǧan terna di lɣella talliyin agi tineggura. I tmeɣra n useggas agi taɣiwant n At Yanni, thegga-d timliliyin i uselmed n lḥirfa agi n lfeṭṭa i yelmeẓyen. Nessaram ad tɛeddi tmeɣra agi tis 10 s liser, yerna win ara d-yerzun siwa lferḥ ara yeččar wul-is di tuɣalin.
Urak Lameyya