Tella-d twalya n tmeƔra n lfeṭṭa s lmendad n uqerru n dayra, anemhal n tmerrayt mass Harun Ḥusin, anemhal n yidles mass Uld Ɛli Lhadi, anemhal n Usqamu Unnig n timuzmazƔa mass Lhacmi Assad, anemhal n CRAT mass ḤACI Sliman…atg, ass nni n lǧemɛa Ɣef 10 n tsebḥit deg uƔerbaz alemmas Lɛerbi At Ɛmer. Din llan azal n 64 n yiḥeddaden n At Yanni d wid d-yusan seg wanda niḍen am seg Tizi Wezzu, Friḥa….. Ma d inazuren niḍen i ixedmen talaƔt, tarakna, taqendurt n leqbayel d wayen niḍen xedmen-d timzikniyin deg uxxam n yilmeẓyen Keddac Ɛli. Ma deg uxxam n yedles Mulud At MƐemmer n tƔiwant n At-Yanni ad yili wawal ara yezzin meṛṛa Ɣef tmeƔra agi. « Iswi n tmeƔra agi n lfeṭṭa d tawaṭfa deg leɛwayed. Imi s lfeṭṭa i yettwassen lɛerc n At Yenni d leqrun aya. Ɣef waya i nelli agens (centre) i uɛawen n iḥeddaden n lfeṭṭa.» Akka i Ɣ-d-yenna unemhal n tmerrit n twilayt n Tizi Wezzu, mass Racid Ɣennuci. Ma d aselway n APW mass Ḥusin Harun yenna-d belli xedmen akk tazmert nsen i usemres n tmeƔra-agi u yessaram ad lhunt ugar tezrigin ar d-yernun ar sdat. I lmend n tmeƔra agi n lfeṭṭa, At Yanni neƔ tamurt n Mulud at MƐemmer, Yidir, Arkun d imedyazen niḍen ad tesɛeddi tiswiɛin n tẓuri d tnezzut(le commerce). Ass n 21 Ɣuct ad tili tmeƔra ar d-ccebḥen icennayen n teqbaylit. Ad tili tmeƔra agi di taddart n Tegzirt. Ass n 23 Ɣuct ara tessali tmeƔra n lfeṭṭa n useggas-agi.
URAK Lameyya.