Uccen yufa tayaziḍt.
Yenna-yas : a(d) kem-awiɣ yid-i
A(d) kem-refdeɣ d trefdeḍ-iyi
Akken i (a)ɣ-yehwa ara nili
Tayaziḍt ur teqqar : ala
Ayen i d-yusan, mreḥba
Win yezran, yini-d acimi
I tencew s ddaw yefri
Times tufa aserɣu
Tin(i)-as : a(d) k-awiɣ yid-i
A(d) k-refdeɣ, trefdeḍ-iyi
Akken i (a)ɣ-yehwa ara nili
Aserɣu ur yeqqar : ala
Ayen i d-yisan mreḥba
Win yezran, yini-d acimi
Yewweḍ wabbu s igenni
Winna yufan axeddam
Yenna-yas a(d) k-awiɣ yid-i
A(d) k-refdeɣ, trefdeḍ-iyi
Akken i (a)ɣ-yehwa ara nili
Axeddam ur yeqqar : ala
Win yezran, yini-d acimi
Ixeddem, tugi ad tali
La nettnadi, nettnadi
La nettnadi, ur nufi
Muḥya