Lɣella n uzemmur tenṭer mačči d kra assegas-a. Ugur n tfasniwin n lḥamu d uɣurar rnu win n ubelɛuc i wumi qqaren « Bactrocera oleae » neɣ tizzit n uzemur. Ɛlaḥsab tanemhalt n tfelaḥt n lwilaya lqidar n 30% n tzemrin d tid yetteweten. Sebba n waṭan-a d tifasniwin lḥamu yulin almi d ttnasfa n waggur n unbir yezrin, ayen yefkan tagnit i webelɛuc-a ad yesfrurux deg wakal. Lemḍara i s-d-yegla mačči kan d anɣas n zzit, imi yettirẓig-tt ula d terzeg. Aya imi igellu-d s ɣellu n uzemmur meqbel lweqt, am akken yesenɣas deg uɛeqqa. I tifra n weɣbel-a yessunefk s zyada n useqdec n dwa mgal ibelɛca am« Success Appat» d useqdec n tawilat d dwawi niḍen ilmend n usengar n ubelɛac-a deg tzemrin ideg yela uqbel ad yaweḍ tiyaḍ, ladɣa tizemrin tilemmusa.
Dalila I.