Send iḍelli, nemlal d Ɛumar Ezzine. Di temnaḍt i deg yettidir, qqaren-as “pourqoui pas”. Ssawalen-as akka, acku yezga ɣef yiles-is “pourqoui pas”. Akken kan ara t-laɛiḍ, ad as-tiniḍ kra, ad ak-d-yini “pourqoui pas”. Ɛumar Ezzine d clandestin, du moins , ar tura. Azekka, yezmer ad tbeddel fell-as teswiɛt, imi yefra-tt d yiman-is ad yekki di tefranin d-iteddun.
Lḥasun nemlal Ɛumar Ezzine, nemmeslay yid-s, nesteqsa-t ɣef ayen akk ara yexdem lemmer ad yuɣal d berzidan di bilad elmuɛǧizat.
Nukni : Azul a Si Ɛmar !
Netta : Azul, ɛeslama !
Tidet kan, tḍemɛeḍ ad tuɣaleḍ d berzidan?
Pourqoui pas !S wacu i d iyi-ifen lberzidanat akk ɣ-iḥekmen, seg 62? Neɣ tḥeqrem-iyi imi d clandestin ?
Ḥaca a Si Ɛumar. nenna-d akka axaṭar tifranin n tikkelt-a yewɛer ssuq-nsent. Imi tenniḍ, acimi i tebɣiḍ ad tuɣaleḍ d berzidan ?
Acku ɣaḍen-iyi izzayriyen, bɣiɣ ad tbeddel fell-asen teswiɛt, ad rebḥen u ad srebḥen. Zriɣ d acu i bɣan d wamek ara ten-ssiwḍeɣ ɣer lebɣi-nnsen.
Amek akka i teẓriḍ d acu i ibɣan ?
axaṭar nek seg-sen. Nek d clandestin. ulac win yeẓran lbaḍna n uzzayri anect clandestin, coiffeur d plonton n lbusṭa.
Iɛedda 17 yebrir, tuɣaleḍ d berzidan. D acu-tt tɣawsa tamezwarut ara txedmeḍ ?
T. Ould amar
t. ouldamar@yahoo. fr
yettkemmil