Imezdaɣ n tɣiwant n Umecras, ttidiren lexsas meqqren deg yiberdan ladɣa deg wussan-a n ugeffur; ideg rewwun lḥif imi iberdan i yettawin ɣer-sen ččuren d aluḍ yerna ɣzan merra, d annect-a i yeǧǧan imezdaɣ-a sḥasfen ɣef liḥala-ya ideg ttidiren acḥal d aseggas, rnu ɣer waya wekkden-d dakken rwan tazla ɣer yimḍebbren i waken ad asen-d-frun ugur-a, maca deg tidet acemma ur t-id-xdimen ɣas akken waɛden-ten-id yal tikelt mi ara ruḥen ɣer-sen d aya i yeǧǧan imezdaɣ ur ttafen ara ad lḥun ama ɣef uḍar ama ɣef tkeryas. Ihi s wakka i d-gren tiɣri i yimḍebbren i tikelt-nniḍen i wakken ad asen-d-qaɛden iberdan-a s lemɣawla.
Bousbaine.S.