Tawacult n tẓuri d yedles amazi&gamma,; tesḥasef aṭas γef tmettant n yiwen umedyaz meqren n teqbaylit n temnaḍt n Wizgan, lwilaya n Tizi-Wezzu i yemmuten ass n 25 yebrir yezrin di sbitar n yiεeẓẓugen sebba n waṭan di laεmer-is 65 n yiseggasen.
Wagi d Muḥend Akli At-Σmara, illul deg seggas n 1949 di taddert n wizgan, d mmi-s n umaγras, baba-s yeγli deg ugni n liser deg tegrewla n Lzzayer, ittewrebba-d d agujil, maca s nnif ed lḥeṛma, yexḍa i texnanasin, yexdem taqbaylit-is u isemmaḥ deg tudert-is. Si temẓ-is taẓuri d yedles amaziγ kecmen idamen-is, saγen deg-s, yeḥmel ad-yecnu maca tayri-s meqren tuγal γer tmedyazt, yessen amek yettfeṣil awal, iteddu d lqaleb usefru. Aseggas n 1990, Muḥen dAkli Σamruc yesekles tasfift-is tamenzut, ideg-i llant 03 n tezlatin d 06 n yisefra, s yisental yemgaraden, ger-asen anffet-aγ ad-necnu, Tayri n tmaziγt, nnek d amazi&gamma,; acu yerran aqcic d adarwic..atg
Muḥend akli Σmara, yecna tayri akken yekcem di ccna amḥadi, si temẓi-s d amennuγ γef tugdut, γef tmaziγt, izarfan n wemdan d waṭas niḍen. Dγa tikkelt tamenzut asmi yesekles deg umaṭṭaf wis ssin n teqbaylit, deg tedwilt n Cerif xeddam icennayen uzekka, id-ttqedimen 02 n yinaẓuren Mhenni akked Acruf Yidir, Muḥend akli Σmara yesekles 06 n tezlatin, maca ṭfen kkan 04, imi snat niḍen d tizlatin timḥadiyin (chansons enguagé). Deg seggas 2002, yesser-s γer tiliẓri n tmaziγt (BRTV) aḍebsi (asidi) i yesεan 27 n yisental, tizlatin d tmedyazt, id-ittεedayen ar ass-a. Anaẓur, Muḥend akli Σmara, yemmut d amengur imi ur d-yezwiğ-ara, yezweğ d yedles d tẓuri n tmaziγt, yarhen tudert-is γef tugdut d tutlayt-is, yemmut deg irebbi n tefsut n yimaziγen. sgufu di talwit.
Islam Bessaci