‘’Awal n unelmad’’ d aγmis n yinelmaden n uγerbaz alemmas ‘’Σellic Yusef’’ n tama-nni n Wat Dwala i d-yeffγen am tesγunt : ssemlalen-d deg-s yinelmaden agzul n yisenfaren-nsen i gan deg useggas aγurbiz 2013/2014. Aya yella-d s lmendad n uselmad-nsen Mass R.LASHEB.
Gar n yisentalen n yisenfaren-a, ad naf : imγan, ismawen n temnaḍin, isefra, amezruy, uraren, atg…
‘’D nutni i d-yuran aγmis-a si tazwara armi d taggara. D inelmaden i ifernen tugniwin i d-yeddan deg uγmis-a. D nutni i iqeṣṣden anemhal n uγerbaz i wakken ad ḍelben deg-s ad asen-d-yessufeγ aγmis-a. Leqdic n yinelmaden yemmal-d dakken mi ara asen-tanfeḍ di lebγi-nsen, zemren ad xedmen leεğeb, zemren ad γren s lferḥ u ad ssnernin tizemmar-nsen s yiman-nsen mebla ma tewwteḍ-ten neγ tekkseḍ sser fell-asen.’’ I aγ-d-yenna uselmad-nsen.
Zyada γef wanect-a, ayen lemden yinelmaden s yisenfaren, ttafen-t d tarzeft deg tudert-nsen εlaḥsab n wayen i aγ-d-tenna tnelmadt BUĞELLAL Anayis :’’asmi i nessaweḍ γer lebγi n wulawen-nne&gamma,; nessufeγ-d aγmis-a, i zriγ belli yal ass ma yemḍa ur d-yettuγal ara : win igan i yiman-is iswi am tweṭṭuft deg uzγal, ad yeğğuğeg am yimγi. Ma d win ur nettmuqul γer sdat, am umehbul ad yemmager iγeblan. S yisenfaren-a, i d-nerra tutlayt-nne&gamma,; i d-nejmeε ayen i aγ-d-ğğan lejdud-nneγ.’’
Nessaram-asen i yinelmaden-a afud igerrzen d yiγmisen-nniḍen akken ad ilin d amedya i wid-nniḍen.
Hocine.M