Win ara yerzun γer temdint n Tizi Uzzu deg yiḍ di remḍan-a, ad yewhem seg wayen ara i iwali. Ad yesteqsi iman-is u ad as-yini wis ma d tidet di tmurt n leqbayel ay lli&gamma,; neγ d targit i ttarguγ ? Akken kan ara ṛrzen yimdanen remḍan (wid yettuẓumen), ad bdun yiberdan ad ttenfalen s lγaci : imesdurar d Wat n temdint. Yal wa d acu n wahil i d-ihegga. Imekwan n unecraḥ mačči d ayen i ixuṣṣen : xtir ternuḍ. Tebγiḍ cḍeḥ d uneggez, γur-k axxam n yidles Mulud Mεemmri, annar n umenzu n unbir akked ‘’La gare’’ taqdimt. Tebγiḍ taḍṣa d unecreḥ, yella uxxam n umezgun Kateb Yacine. Tebγiḍ susṭa, susṭa, tella ‘’La cinémathèque. Llan, di&gamma,; leğwameε neγ izririḥen deg yiberdan. Lḥaṣun, d ddunit-nniḍen, d imdanen-nniḍen, mačči am wid n uzal. Imdanen akk nnecraḥen, ḥedqen meqqer meẓẓi : ur telli tiẓẓif, ur yelli zzεef ; ur telli temḥeqqranit wala tukerḍa. Daya i yeğğan tiwaculin ad d-ffγent s llufanat gar yifassen-nsent. Tteklent, ulac tugdi, ulac axemmem. Llan yimekwan anda qqiment nutenti d iεeggalen-nsent, ladγa, di ‘’La gare’’ imi i d-heggan yimḍebbren yiwen ubraḥ ameqqran i lmend n waya. Win yebγan ad yeqqim, yella leḥcic, win yebγan ad yecḍeḥ llan yicennayen. Aṭas i d-yettmektin zik-nni, u qqaren-d : ‘’anwa i d-yennan Tizi mačči ‘’La petite suisse’’ ! U aṭas, di&gamma,; i d-yeqqaren lukan ad ikemmel remḍan-agi kra n wagguren-nniḍen. Wigi d wid-nni… Ha-t-an, zi&gamma,; Leqbayel sifilizin, i wacuγer ttbeddilen deg wussan-nniḍen ?
Hocine.M