Telha tagi ! Yura asaru γef tkellax, dγa yuγal yettwakellex deg-s. Ayen yeḍran i Mass Belaid Namane dayen, ahat, γef wayeg ur yebni ara :’’yekker-as-d creε di tferka-as’’ akken i aγ-d-yenna deg uxxam n yidles Mulud Mεemmri n Tizi Uzzu mi d-yesεedda asaru-agi ines, i d-iεeddan yakan di tilibizyu TV4 s yisem-nniḍen (s tukerḍa). Amek i as-teḍra ?
Asaru-agi, yura-t Mass Belaid Namane, yesseḍra-t (réaliser) netta meεna yessufeγ-it-id wayeḍ mebla ma yeẓra baba-is u mebla ma isedda-d isem-is. ‘’Amakar-agi i d-yessufγen asaru inu, ur yi-d-yenna ara. Nella nxeddem akken. Ur ẓriγ ara armi i walaγ asaru-inu di tilibzyu TV4. Iεedda-d ass n 02 deg yulyu 2014. Syin, sawleγ-as, ur i yi-yerri ara. Ruḥeγ ar TV4, ḥkiγ-asen tamsalt u zgiγ-d mgal asεeddi-ines.’’ I aγ-d-yenna Mass Namane. Ula d ONDA testeεref d ayla-s meεna mebla lmeεna,(yefka-aγ-d lekwaγeḍ n ttbut). ‘’L’ONDA tbeggen-d d akken d ayla-w, skelseγ-t uqbel, yakan, γur-sen. Meεna TV4 tkemmel tesεedda-t-id i tikkelt tis snat. Ula d cre&epsilon,; mazal ur tt-yefri ara.’’ Ikemmel yenna Mass Namane.
Nemlal d yiwen yurar deg usaru-agi, ibeggen-d d akken d ayla n Mass Namane meεna yugi ad d-nader isem-is.
‘’Bγiγ lukan ad d-yas ass-a ad d-nemqabal, u ad iyi-d-yini i wacuγer yexdem akka ?’’ D wa i d awal aneggaru n Mass Belaid Namane i yugin ad yamen s tikekkex xas ulamma yura fell-asent s timmad-is !
Hocine.M