Tella rreḥba n Ğerğer tis sebεa n udlis deg uxxam n yidles Mulud Mεemmri n temdint n Tizi Uzzu seg wass n 23 armi 27 deg waggur-agi i deg-i nella. Llant azal n 16 n tezrigin, gar-aen : Identité L’Odyssée, HCA, la Pensée…atg. Am wakken i d-yella usenzi n yidlisen s ubuddu sγur imyura akked yisaragen i d-swejden yimḍebbren deg wahil-a. Akka, dγa, ara naf, deg wass amezwaru, Mass Said Chemakh, d aselmad di tesdawit n Tizi Uzzu, i d-yewwin awal γef tullis. Yella-d, di&gamma,; usarag γef uselmed n tmaziγt s tarrayt ‘’La pédagogie de projet’’ : aselmed n tutlayin ; tira d tγuri sγur Mass Bekhti Ali akked Mass H. Moula. Yal ass yettili-d yiwen neγ sin yisaragen i d-heggan yiselmaden n tesdawiyin, am Hamitouche Mourad, Djazair Samir, Boudaoud Brahim d wiyaḍ. Aṭas n leqdic-nniḍen i d-yellan, ama di tzeγwin ama di temkerḍit.
Di rreḥba-a, tuγal tejmilt i rebεa n yimdanen n tsekla : Mohamed Attaf, Mohand Akli Haddadou, Aldjia Benallegue-Noureddine akked Belkacem Ait Ouyahia i yemmuten yakan deg useggas n 2012.
Ma γef rreḥba-a nenna-d :
Mass Ould Ali Lhadi (anemhal n yidles d uxxam n yidles n Tizi Uzzu) :
“ timlilit tella-d s teγzi n 5 wussan. Tella-d d leqder d unegmu i tγuri. Teεna ameqqran d umecṭuḥ, akka i nwala tiwaculin ttasent-d akked warraw-nsent. Am wakken i d-llan yisaragen, kulwa s usentel-is. D tagnit, daγen, anda i d-nesmekta kra n yimusnawen imucuεen. Neεreḍ-d, di&gamma,; imyura i wakken ad senzen idlisen-nsen u ad ten-issinen wid i ten-yeqqaren”
Massa Berkani yiwet gar yimḍebbren n rreḥba-a :
“leqdic-a d leqdic n ugraw : nemεawan fell-as. Nhegga-t-id akken iwata. Neεreḍ ad d-nawi ajdid di tedwilt-a, ama si tama n tezrigin, ama si tama n yimyura. Ula si tama n yisaragen, newwi-d awal γef yal tama n tγuri, ayen akk icudden γur-s. Llant 16 n tezrigin akked 24 n yimyura”
Mass Said Chemakh, d aselmad di tesdawit n Tizi Uzzu :
“d ayen igerrzen rreḥba-agi n udlis. Mlalen yimyura d wid i ten-yeqqaren. Llant-d aṭas n tezrigin tikelt-a. Mebla ma nettu tijmilin i yuγalen i yimusnawen d yimyura imeqqranen”
Mass Saiah Youcef, amekfaḍu (animateur) n yisaragen :
“igerrez nezzeh axater d amennuγ iweεren. S immal tettnerni rreḥab-a, llant ugar n tezrigin tikelt-a. Ula d adlis s teqbaylit yuẓ γer sdat. Aya, akk, d aseḥbiber γef timawit.”
Mass M.Arkat, tizrigin ‘’La Pensée’’ :
“d agnit anda i nettbeddil tiktiwin gar tezrigin akked yimyura. D tikti igerrzen. Rreḥba n Tizi Uzzu, weḥd-s : anda-nniḍen nettxelliṣ lmakla d yiḍes, dagi d nutni i yeṭṭfen aḥric-a. Zyada γef wanect-a, tamurt n leqbayel ur d-tezgi ara kan akka tamezwarut, tezga-d acku teqqar”.
Mass A.Nekkar, tizrigin ‘’L’Identité’’ :
“lukan axir i tella temlilit-a deg ussan n leqraya. Inelmaden d iselmaden ruḥen akk γer tmurt. Yerna d lawan uzemmur. Acu kan, akken yebγu yili, d lḥağa lεali, yelha i tezrigin, irennu-aγ-d afud”
Tizrigin L’Odyssée :
“d ayen yelhan xas ulamma ur yeṭṭuqet ara lγaci. Timlilit am ta tettawi-d lfayada akken yebγa yili lḥal. Yettili-d wawal γef udlis d usufeγ-is”
Hocine.M