Assia Djebbar d yiwet n temyarut id d-ijebden ɣur-es tamuɣli n tɣamsa, tin n iselmaden, inelmaden, d imusnawen d wid yettnadin ladɣa deg weḥric n tsekla d umezruy, deg wasmi tegger aqeddim amezwaru deg tira. Tameṭṭut-agi tluled d Fatma-Zohra Imalayène 30 yulyu 1936 di lwilaya n Chechel. Baba-s, yellan d aselmad, yella ager wid is-yefkan afud ameqran. Yemma-s, ula d nettat, twelleh-itt ɣer webrid n tira. D tacawrat asmi teǧǧa lezzayer akken ad d-as ɣer Paris anda tekcem ɣer tesnawit Fénelon. D nettat id tamezwarut ger imyura n lmeɣreb i ykecmen ɣer “l’académie ” n Fransa deg 2005. Amecwar-is n tira tebdat-id s “fad», La soif, ungal id d-yefɣen ɣer temkarḍiyin deg useggas n 1957. Zyada ɣef tira n wungalen d yedlisen, Assia Djebar, d-yettwabdren atas n tikkal ɣer waraz Nobel n tsekla, tessefra, tedhad d unezgum lak d uselmed n umezruy deg tesdawit. Ungalen ttfaɣen-d ɣer temkerdiyin d inilban. Ungalen i yettwasuqlen ɣer wazal n 23 n tutlayin. Atas n yemnadiyen , ladɣa deg wehric n tsekla, i yufan deg wungalen n Assia annar n unadi ɣef umezru, d wayen tettidir tmettut ladɣa tazzayrit deg yiwet n tmetti is-ikeblen tilelli-ines 90. Lwelhas tezzi ula ɣer cinema, ahric deg ayeg d-eǧǧa isura s wayes id d-ewwi arazen. Assia tesselmed daɣen deg marikan tasekla. Tigejdit agi d-igemren yak deg yehricen n yedles tewwed laɛfu n Rebbi ass n 6 fuṛaṛ di Paris.
Fatiha K.