Tamdint n Yi$il n Zzman, tezga-d deg ssaêel, iberdan-is serrêen, lqaεa tekna, ma d ixxamen mxallafen : inesbu$ar bennun ixxamen-nsen annect n uûefûaf ; ma d igellilen bennun kan ayen iwumi zmren. Iberdan yettawin $er ssuq n temdint, ad ten-naf ççuren s yifellaêen akked twaculin-nsen. Irgazen sdat n zzwayel, zzu$uren-ten, aεrur yekna seg uxeddim n tyerza d uhuccu. Tilawim $er deffir, deg yiwen ufus ddment aεekkaz s wayes nehrent zzayla akken ad teεjel, deg ufus-niven avellaε anda i d-ff$ent tqerray n tyuzav ne$ n tebôikin… Gar l$aci-agi akk, yella yiwen n um$ar ileêêu weêd-s, acebbub d amellal, lqedd sse$lin-t yiseggasen. Udem yekmec, i$az d iverfan. Wagi d Dda Yidir. Yesεa azal n sebεin n yiseggasen deg leεmer-is. D yiwen ur nesεi aêbib, ala tasusmi i d arfiq-is. Asmi ara ad iεeddi ur ittsellim $ef yiwen, ur ihedder i yiwen. £ur-s medden u$alen akk d ingawanen, d ikeddaben, d imakuren…
Yiwen wass n Arim, deg waggur n Me$res, igenni yeûfa, abeêri yekkat-d seg ugafa igellu-d s cwiî n tesmuvi n ugrakal. Dda Yidir iruê $er ssuq, mi yewwev $er tlemmast n ubrid, iwala $er lqaεa yiwet n tqezzumt, d$a yekna ad tt-id-yeddem acku yeêwao-itt akken ad yeqqen yis-s ta$avt-is. Mi akken yekna, ifaq belli yella win i t-id-iwalan. Yerfed-d aqerruy-is, yufa Mass Buhmal yettmuqul-it-id ; d$a Dda Yidir yeffer taqezzumt-nni deg loib n lbista-s, acku issetêa mi t-id-iwala uεdaw-is, yerna netta ijmeε-d deg waluv yiwet n temrart ur neswi ssawiya. Dda Yidir, yu$al yekna $er lqaεa ad inadi ayen-niven, akken ad as-ikellex i Mass Buhmal belli maççi d aya i yettnadi. Kra n tallit kan iruê yezεef am wakken ur yufi ara ayen yeb$a.
Mi yewwev Dda Yidir $er useççu amezwaru, yekcem, yeqqim $er sdat n yiwet n îîabla i d-yezgan deg tlemmast n tzeqqa. Aqerruy-is yeççur seg wayen yevran seg tsebêit 5-nni. Maca axemmem-agi akk iêbes-it ûûut n ubendir i d-yekkan seg berra. Medden akk kkren kan akken aqemmuc yeççur s tgella ad éren d acu yellan. Zi$ d ameddaê i d-iruêen akken ad asen-yini belli win yufan yiwet n tîezdamt deg ubrid yettawin $er ssuq, ad yeεlem belli n Dda Azwaw, acku ssbeê-nni i as-truh. Da$en yenna-d belli win i tt-id-yerran ad yawi azgen n yidrimen yellan deg-s. Akken iεedda uvebbal, l$aci myal wa yu$al $er umkan-is, heddren $ef ma yezmer ad tt-yaf ne$ xaîi, ma ad as-tt-id-rren ne$ ala. Kra kan n tallit ikcem-d yiwen n umestul d aεlayan, yesteqsay ma yella dinna yiwen n um$ar isem-is Dda Yidir akken ad t-ivfer $er berra ; D$a ikker Dda Yidir, yetbeε-it, yenna-yas : « aql-ih, aql-ih a mmi »
D tullist n Guy de MAUPASSANT
i d-issuqel s usemyezg Ferêat TANSAWT(d anelmad di Tqerbuzt)
Yettkemmil