Izegzawen (les verts) n tiddukla AJIE (Association pour la Jeuness Innovatrice et l’Environnement) ttrun akken ma llan imi ten-teğğa tselwayt-nsen.Taselwayt yessiḥbibiren γef ugama ugar n yiman-is. Tufa-d aṭas n tefrat i twennaṭ meεna ur d-tufi ara tifrat i lehlak i tt-yewwin ddurt iεeddan. Tezzuγur deg waṭan-agi amcum seg useggas 2001. Amur ameqqran n yiεeggalen n AJIE, anda lliγ di tlemmast, ur slin ara s lehlak-is axater ur d-tettmeslay ara fell-as, ur t-id-sbanay ara deg umahil-is. Tella d taselmadt deg uγerbaz alemmas di Tizi Uzzu. Tewwi-d lintrit uqbel ad taweḍ i wakken ad d-telhu kan s leqdic-is di tdukli-a i d-texleq nettat d terbaεt-is deg useggas n 1998.
Ma d ayen i tt-yeṣṣawḍen ad d-texleq tiddukla-a, tenna-aγ-d yiwet n temḍebbert :’’yiwen wass, twala iḍumman ttwaḍeggren-d si le batiment γer lqaεa. Dγa tezεef. Yella-d wawal akked uletma-s i as-yennan i wacuγer ur d-txelqem ara tiddukla ara yessiḥbibiren γef ugama. Syin, ihi, i d-tusa tikti-a.’’ Ma γef wayen yeεnan isenfaren n tiddukla, aṭas i d-yellan. Llan wid yeεnan iγerbazen d inelmaden. Wid i d-iceddun γer ufran n wammus. Lebni n yimekwan n yidles d yixxamen n tẓuri. Asileγ n yilmeẓyen deg yiḥricen n umahil d waṭas n temsal-nniḍen. I wakken ad as-rren tajmilt iεeggalen n tiddukla AJIE i Massa Lamrous, ssawlen-d i tikli ara d-yilin ass n 8 deg meγres 2015 seg uxxam n tiddukla AJIE alamma d timeqebret n Mdouha anda ara ssersen tameqqunt n yiseğğigen γef uẓekka-s.
Gen di talwit a Massa. Imγi-m yemγi-d di Tirmitin akked Tala Athmane d wanda-nniḍen.
Hocine.M