Ferɛun illul di taddart n Tizi Hibel, deg useggas n 1913. Di tazwara, yella d aselmad deg uɣerbaz amezwaru. iḥemmel tasekla. Yezga yettbeddil tiktiwin d imura imeqranen yecban Albert Camus d wemdakkel-is Emmanuel Robles d wiyaḍ nniḍen.
Ijebbdit webrid n tsekla, yebda yettaru s tefransist. Tira-ines teṣfa am waman, tecbeḥ am wadfel, ẓidet am tament n tzizwit, aɣanib-ines d aḥerfi, d afessas, iserreḥ yerna yenecraḥ. Yura ungalen anida yesdukkel tilawt d usugen s tiḥerci. Yessen ad yeḥku, yettak azal ula i yifutas imectaḥ. Idlisen-is ttmeslayen am usaru yerra d lemri ɣef tmetti taqbaylit, jebden imeɣriyen am dkir. Yura ɣef ṭrad, d amaru amezwaru id yenna-n tidet akken tella, akken teḍradeg Aɣmis n 1955-1962. D amaru i yuklalen arraz n Nobel di tsekla maca irebraben n L’O. A. S nɣan Dda Lmulud ass amcum n 15 di Meɣres, ass aberkan deg umezruy n tsekla .
Ḥemmar Busaɛd