Lḥemla n wefraq n tleqamin naγ ṭjur n uzemmur γef ifellaḥen, id-heggan yemḍebren n waḥric n tfellaḥt n lwilaya n Tizi-Wezzu d win id-yellan deg annar ddurt-agi yezrin, di merra timnaḍin Dγa srabes n waḥric n tfellaḥt n temnaḍt n Wizgan sfaydin-d deg ahil n useggas-a 2015 s wazal n 44500 n tleqamin naγ ṭjur n uzemmur ilfayda n 1780 n yifellaḥen i ittewfarqen γef 05 n tγiwanin, tigi d Wizgan, At-Zikki, At-yeğğar d Yillulen n Umalu yetabaεen dayra n Wizgan akked tγiwant n Yifiγa yetabaεen dayra n Yiεeẓẓugen. Iswi n lḥemla-agi n wufraq n ṭjur n uzemmur d asebγes n wuẓẓu n uzemmur i usnarni n waḥric n tfellaḥt deg yidurar, imi deqs n tzemrin i inegren deg yiseggasen yezrin sebba n tmeswin yeččan tamurt n leqbayel. D tagnit yelhan daγen iwesnarni n tdamsa n tmurt leqbayel, imi asafar-agi n uzemmur d lγella n lebda swayes ttidiren imezdaγ-is u d azamul n tmurt leqbayel.
Islam Bessaci